“Muğam və mənəviyyat” - MUZ TV Azərbaycan pəncərəsindən reportaj
Beynəlxalq Muğam Mərkəzində “Muğam və mənəviyyat” adlı konsert keçirilib.
Muztv.az xəbər verir ki, ötən şənbə baş tutan konsertdə Xalq artistləri Aygün Bayramova, Nəzakət Teymurova, Əməkdar Artist Almaz Orucova iştirak ediblər.
Xalq Artisti Aygün Bayramova konsert barədə təəsüratlarını MUZ TV Azərbaycan kanalına bölüşüb. Xanəndə ilk konsertinin Heydər Əliyev Sarayında reallaşdığını və möhtəşəm bir gecə yaşandığını dilə gətirib:
“Bu axşam da gözəl bir konsert keçəcəyinə inanıram. Musiqilər çox gözəldir, təkrarçılıq yoxdur. Fərqli ifalar olacaq, çalığırıq əlimizdən gəldiyi qədər məsuliyyətli yanaşaq.”
Xalq Artisti Nəzakət Teymurova isə hər ay bu konsertin reallaşacağını söyləyib:
“Bütün mahnılar, təsniflər Fəraməz bəyə məxsusdur. Biz də zövqlə ifa edəcəyik.”
Əməkdar Artist Almaz Orucova konsertə böyük həvəs və enerji ilə hazırlaşdığını deyib:
“Sevdiyimiz mahnılar səslənəcək. Oxuduğumuz xalq mahnıları bir daha bizim üçün yenilənib. Bu musiqilərin yaranması biz sənətçilər üçün yaradıcılıq uğurudur. Xalqımıza da musiqi baxımından dəstəkdir. İzləyicilər bu mahnıları böyük həvəs və sevgi ilə qarşılayır. İlk konsertdən sonra hər kəs deyirdi ki, “Bu mahnılar bizə rahatlıq gətirir. Əvvəlki mahnılarımıza yeni bir formada qayıtmışıq.”
Xanəndə Fəraməz Gərmrudi də konsertin yeddi ay davam edəcəyini vurğulayıb:
“Yeddi ay, yeddi dəsgahı “Könül” ansamblı ifa edəcək. Fərqli muğam, təsnif və rənglər səslənəcək, çoxunu da mən bəstəmişəm. Çalışmışıq ki, hamısı yeni olsun. Bu dəfə dəşti, gələn dəfə hümayun, sonra isə çahargahdır. Burada çoxu seygah, şur, bayati-şiraz oxuyur. Biz çalışırıq bütün müğam növlərindən istifadə edək. Azərbaycanın qədim musiqilərini yeniləşdirib təqdim etməyə çalışırıq.”
Gecədə qonaqlar arasında Əməkdar Artist Ehtiram Hüseynov da yer alıb. Xanəndə bu konsertin ənənə şəklini aldığını bildirib:
“Gözəl sənətkarımız ayda bir, yaxud iki dəfə belə tədbirlər keçirir. Bundan öncəki tədbirdə mən də iştirak etmişdim. Bugündə ölkəmizin dəyərli sənətkarları çıxış edəcəklər. Ümid edirəm ki, çox böyük zövq alacağıq.”
Konsertdə Xalq artistləri Aygün Bayramova və Nəzakət Teymurova “Yar olmayaydın”, “Bulaq üstə”, Əməkdar Artist Almaz Orucova isə “Badi-Səba” təsnifini ifa etdilər.
Sonra ifa olunan təsniflərin müəllifi, ud ifaçısı, xanəndə Fəraməz Gərmrudinin ifasında “Dəşti” muğamı təqdim olundu.
Tədbirdə xanəndələri “Könül” intrumental ansamblı müşayiət edib. Anşlaqla keçən konsert muğamsevərlər tərəfindən maraqla qarşılanıb.
Xatırladaq ki, noyabrın 22-də Beynəlxalq Muğam Mərkəzi və “Mədəniyyət” kanalının “Muğamat var olan yerdə” layihəsi çərçivəsində Səbinə Ərəblinin konserti keçiriləcək.
“Muğam və mənəviyyat” adlı konsertlə bağlı süjetə noyabrın 20-də saat 19:00-da MUZ TV Azərbaycan kanalında efirə gedəcək “Muz Life” verilişində baxa bilərsiniz.
Günel Əliyeva
Muztv.az xəbər verir ki, ötən şənbə baş tutan konsertdə Xalq artistləri Aygün Bayramova, Nəzakət Teymurova, Əməkdar Artist Almaz Orucova iştirak ediblər.
Xalq Artisti Aygün Bayramova konsert barədə təəsüratlarını MUZ TV Azərbaycan kanalına bölüşüb. Xanəndə ilk konsertinin Heydər Əliyev Sarayında reallaşdığını və möhtəşəm bir gecə yaşandığını dilə gətirib:
“Bu axşam da gözəl bir konsert keçəcəyinə inanıram. Musiqilər çox gözəldir, təkrarçılıq yoxdur. Fərqli ifalar olacaq, çalığırıq əlimizdən gəldiyi qədər məsuliyyətli yanaşaq.”
Xalq Artisti Nəzakət Teymurova isə hər ay bu konsertin reallaşacağını söyləyib:
“Bütün mahnılar, təsniflər Fəraməz bəyə məxsusdur. Biz də zövqlə ifa edəcəyik.”
Əməkdar Artist Almaz Orucova konsertə böyük həvəs və enerji ilə hazırlaşdığını deyib:
“Sevdiyimiz mahnılar səslənəcək. Oxuduğumuz xalq mahnıları bir daha bizim üçün yenilənib. Bu musiqilərin yaranması biz sənətçilər üçün yaradıcılıq uğurudur. Xalqımıza da musiqi baxımından dəstəkdir. İzləyicilər bu mahnıları böyük həvəs və sevgi ilə qarşılayır. İlk konsertdən sonra hər kəs deyirdi ki, “Bu mahnılar bizə rahatlıq gətirir. Əvvəlki mahnılarımıza yeni bir formada qayıtmışıq.”
Xanəndə Fəraməz Gərmrudi də konsertin yeddi ay davam edəcəyini vurğulayıb:
“Yeddi ay, yeddi dəsgahı “Könül” ansamblı ifa edəcək. Fərqli muğam, təsnif və rənglər səslənəcək, çoxunu da mən bəstəmişəm. Çalışmışıq ki, hamısı yeni olsun. Bu dəfə dəşti, gələn dəfə hümayun, sonra isə çahargahdır. Burada çoxu seygah, şur, bayati-şiraz oxuyur. Biz çalışırıq bütün müğam növlərindən istifadə edək. Azərbaycanın qədim musiqilərini yeniləşdirib təqdim etməyə çalışırıq.”
Gecədə qonaqlar arasında Əməkdar Artist Ehtiram Hüseynov da yer alıb. Xanəndə bu konsertin ənənə şəklini aldığını bildirib:
“Gözəl sənətkarımız ayda bir, yaxud iki dəfə belə tədbirlər keçirir. Bundan öncəki tədbirdə mən də iştirak etmişdim. Bugündə ölkəmizin dəyərli sənətkarları çıxış edəcəklər. Ümid edirəm ki, çox böyük zövq alacağıq.”
Konsertdə Xalq artistləri Aygün Bayramova və Nəzakət Teymurova “Yar olmayaydın”, “Bulaq üstə”, Əməkdar Artist Almaz Orucova isə “Badi-Səba” təsnifini ifa etdilər.
Sonra ifa olunan təsniflərin müəllifi, ud ifaçısı, xanəndə Fəraməz Gərmrudinin ifasında “Dəşti” muğamı təqdim olundu.
Tədbirdə xanəndələri “Könül” intrumental ansamblı müşayiət edib. Anşlaqla keçən konsert muğamsevərlər tərəfindən maraqla qarşılanıb.
Xatırladaq ki, noyabrın 22-də Beynəlxalq Muğam Mərkəzi və “Mədəniyyət” kanalının “Muğamat var olan yerdə” layihəsi çərçivəsində Səbinə Ərəblinin konserti keçiriləcək.
“Muğam və mənəviyyat” adlı konsertlə bağlı süjetə noyabrın 20-də saat 19:00-da MUZ TV Azərbaycan kanalında efirə gedəcək “Muz Life” verilişində baxa bilərsiniz.
Günel Əliyeva