Ramiz Məlik: "Böyüklük elədim üzr istədim, indi də əlimi uzatmağa hazıram”- MUZ TV Azərbaycan-a açıqlama

Xəbər verdiyimiz kimi, ötən gün yerli mətbuatda Xalq Artisti Məleykə Əsədovanın Xalq Artisti Ramiz Məlikin məhkəməyə verməsi barədə xəbər yayılmışdı. Xəbərdə Ramiz Məlik tərəfindən şərəf və ləyaqəti təhqir olunan aktrisa 200 min manat məbləğində təzminat tələb etməsi yazılmışdı.

Bununla əlaqədar olaraq Məleykə Əsədova telefon vasitəsilə MUZ TV Azərbaycan-a özəl açıqlama vermişdi:

“Mən bu məsələ ilə bağlı danışmaq istəmirəm. Mənim vəkilim var, o, bununla məşğuldur. Hazırda Qəbələdə gəzintidəyəm, istirahətimi poza bilmərəm. Mənim öz dünyam var. O dünyam gözəlliklərlə doludur. Hər şeyin doğrusunu bilən gözəl Allahımızdır.”

MUZ TV Azərbaycan Xalq Artisti Ramiz Məlik ilə də telefon əlaqəsi yaradıb. O, bu məsələ ilə bağlı fikrini belə izah edib:

“200 min manat nəyə görə verə bilərlər. Mən 450 manat maaş alıram. Böyüklük elədim üzr istədim, indi də əlimi uzatmağa hazıram.”

Xatırladaq ki, Ramiz Məlik mətbuata açıqlamasında Məleykə Əsədova haqqında nalayiq ifadələr işlətmişdi.

Bununla bağlı süjetə noyabrın 21-də saat 19:00-da MUZ TV Azərbaycan kanalında efirə gedəcək “Muz Life” verilişində baxa bilərsiniz. 

Əhəd Miriyev