Özünəməxsus ifası ilə məşhurlaşan İlqar Muradovun möhtəşəm konsertindən reportaj - foto
Xəbər veediyimiz kimi, noyabrın 25-də Əməkdar Artist İlqar Muradovun Heydər Əliyev Sarayında "Ötüşür zaman" adlı solo konserti reallaşıb.
Muztv.az xəbər verir ki, tanınmış müğənnini sevənlərinin izdihamı ilə baş tutan musiqi gecəsində ifaçının sənət dostları da onu tək qoymayıblar.
Gecədə Xalq artistləri Arif Babayev, Azər Zeynalov, bəstəkar Səyavuş Kərimi, Aygün Səmədzadə və başqaları iştirak ediblər.
Səhnəyə təşrif buyuran İlqar Muradov gecəyə "Ay qız" mahnısı ilə start verib. Bundan əlavə, ifaçı "Badamlı", "Bir ömür nəğməsi" kimi sevilən mahnılarını da sevənlərinə təqdim edib.
Konsertlə bağlı MUZ TV Azərbaycan kanalına danışan Xalq Artisti Arif Babayev İlqar Muradovun şəxsiyyəti ilə sənətinin vəhdət təşkil etdiyini deyib:
"İlqarı uzun illərdir tanıyıram. O, çox gözəl sənətkar, gözəl insandır. İlqarın xətrini çox istəyirəm. Gəlmişəm ki, İlqarın yaradıcılıq fəaliyyətini izləyim. Onun sənətinə də, şəxsiyyətinə də hörmət edirəm. Sakit insandır. Çox maraqlıdır ki, onun özü kimi, mahnıları da sakitdir. Xoşagələn oxuyur. Ona uğurlar arzulayıram. Məni dəvət edibsə gəlməliydim və ürəkdən istəyərək gəlmişəm".
Konsertdə qonaq olan Azərbaycan Milli Konservatoriyasının rektoru, Xalq Artisti, bəstəkar Səyavuş Kərimi İlqar Muradovun bu konsertinin unudulmayacağını söyləyib:
"Maraqlı bir konsert gözləyirəm. Çünki İlqar Muradov bu konsertə çox uzun müddətdir çalışırdı. Onu müşayiət edən musiqiçilər çox yüksək səviyyəlidir. Mən bildiyimə görə, onu 6 Əməkdar Artist və 2 Xalq Artisti müşayiət edəcək. Mahnıları gözəl orkestrlə səslənəcək. Düşünürəm ki, bu konsert çox yadda qalacaq. İlqar Muradova uğurlar arzulayıram. Hamımıza da gözəl axşam diləyirəm".
İlqar Muradovla bir sıra işbirliyinə imza atan bəstəkar Aygün Səmədzadə də səbəbkar haqqında xoş sözlər söyləyib:
"İlqara uğurlar arzulayıram. Konsertdən xoş əhval-ruhiyyə, həzin, sakit, rahat bir atmosfer gözləyirəm. Nəticəsi də uğur olsun. İlqar Muradovun tamaşaçısı fərqlidir, təmkinlidir, içi sakitdir. Həmin tamaşaçı İlqarın səsində rahatlıq axtarır. Tamaşaçılara zövqlü bir gecə arzulayıram. İlqar Muradova da zaldan gələn pozitiv enerji diləyirəm".
Müğənni Ayaz Qasımov da İlqar Muradov sənətini özü daxil, bir sıra gənclər üçün örnək adlandırıb:
"İlqar Muradov bizim olduqca, savadlı, kübar bir ifaçımızdır. Onun sənətinə çox dəyər verirəm. İnsanlığına, şəxsiyyətinə hörmət bəsləyirəm. Ona görə də o dəvəti sevə-sevə qəbul edib bugünkü konsert gecəsinə gəlmişəm. Sevinirəm ki, dəvətlilər arasında mən də varam. Düşünürəm ki, İlqar Muradov ifası, öz gözəl səsi ilə bizi yenə də feyziyab edəcək. O, illərdir Azərbaycan səhnəsini öz gözəl səsi ilə bəzəyir. Davamlı olsun. Heç zaman səhnədən əskik olmasın. Çünki bizim belə sənətkarlara hər zaman ehtiyacımız var. Xüsusən də biz gənclərin. Baxıb örnək götürək, öyrənək. Bu səbəbdən bütün ən gözəl detallar ən yüksək səviyyədə İlqar müəllimdə var. Onun səsindən daim zövq almaq istəyirik".
Xatırladaq ki, İlqar Muradovun “Ötüşür Zaman” adlı solo konsertində biletlərin qiyməti 20-100 manat arasında dəyişib.
Bununla bağlı süjetə noyabrın 27-də saat 19:00-da MUZ TV Azərbaycan kanalında efirə gedəcək "Muz Life" verilişində baxa bilərsiniz.
Lamiyə Balacayeva
Muztv.az xəbər verir ki, tanınmış müğənnini sevənlərinin izdihamı ilə baş tutan musiqi gecəsində ifaçının sənət dostları da onu tək qoymayıblar.
Gecədə Xalq artistləri Arif Babayev, Azər Zeynalov, bəstəkar Səyavuş Kərimi, Aygün Səmədzadə və başqaları iştirak ediblər.
Səhnəyə təşrif buyuran İlqar Muradov gecəyə "Ay qız" mahnısı ilə start verib. Bundan əlavə, ifaçı "Badamlı", "Bir ömür nəğməsi" kimi sevilən mahnılarını da sevənlərinə təqdim edib.
Konsertlə bağlı MUZ TV Azərbaycan kanalına danışan Xalq Artisti Arif Babayev İlqar Muradovun şəxsiyyəti ilə sənətinin vəhdət təşkil etdiyini deyib:
"İlqarı uzun illərdir tanıyıram. O, çox gözəl sənətkar, gözəl insandır. İlqarın xətrini çox istəyirəm. Gəlmişəm ki, İlqarın yaradıcılıq fəaliyyətini izləyim. Onun sənətinə də, şəxsiyyətinə də hörmət edirəm. Sakit insandır. Çox maraqlıdır ki, onun özü kimi, mahnıları da sakitdir. Xoşagələn oxuyur. Ona uğurlar arzulayıram. Məni dəvət edibsə gəlməliydim və ürəkdən istəyərək gəlmişəm".
Konsertdə qonaq olan Azərbaycan Milli Konservatoriyasının rektoru, Xalq Artisti, bəstəkar Səyavuş Kərimi İlqar Muradovun bu konsertinin unudulmayacağını söyləyib:
"Maraqlı bir konsert gözləyirəm. Çünki İlqar Muradov bu konsertə çox uzun müddətdir çalışırdı. Onu müşayiət edən musiqiçilər çox yüksək səviyyəlidir. Mən bildiyimə görə, onu 6 Əməkdar Artist və 2 Xalq Artisti müşayiət edəcək. Mahnıları gözəl orkestrlə səslənəcək. Düşünürəm ki, bu konsert çox yadda qalacaq. İlqar Muradova uğurlar arzulayıram. Hamımıza da gözəl axşam diləyirəm".
İlqar Muradovla bir sıra işbirliyinə imza atan bəstəkar Aygün Səmədzadə də səbəbkar haqqında xoş sözlər söyləyib:
"İlqara uğurlar arzulayıram. Konsertdən xoş əhval-ruhiyyə, həzin, sakit, rahat bir atmosfer gözləyirəm. Nəticəsi də uğur olsun. İlqar Muradovun tamaşaçısı fərqlidir, təmkinlidir, içi sakitdir. Həmin tamaşaçı İlqarın səsində rahatlıq axtarır. Tamaşaçılara zövqlü bir gecə arzulayıram. İlqar Muradova da zaldan gələn pozitiv enerji diləyirəm".
Müğənni Ayaz Qasımov da İlqar Muradov sənətini özü daxil, bir sıra gənclər üçün örnək adlandırıb:
"İlqar Muradov bizim olduqca, savadlı, kübar bir ifaçımızdır. Onun sənətinə çox dəyər verirəm. İnsanlığına, şəxsiyyətinə hörmət bəsləyirəm. Ona görə də o dəvəti sevə-sevə qəbul edib bugünkü konsert gecəsinə gəlmişəm. Sevinirəm ki, dəvətlilər arasında mən də varam. Düşünürəm ki, İlqar Muradov ifası, öz gözəl səsi ilə bizi yenə də feyziyab edəcək. O, illərdir Azərbaycan səhnəsini öz gözəl səsi ilə bəzəyir. Davamlı olsun. Heç zaman səhnədən əskik olmasın. Çünki bizim belə sənətkarlara hər zaman ehtiyacımız var. Xüsusən də biz gənclərin. Baxıb örnək götürək, öyrənək. Bu səbəbdən bütün ən gözəl detallar ən yüksək səviyyədə İlqar müəllimdə var. Onun səsindən daim zövq almaq istəyirik".
Xatırladaq ki, İlqar Muradovun “Ötüşür Zaman” adlı solo konsertində biletlərin qiyməti 20-100 manat arasında dəyişib.
Bununla bağlı süjetə noyabrın 27-də saat 19:00-da MUZ TV Azərbaycan kanalında efirə gedəcək "Muz Life" verilişində baxa bilərsiniz.
Lamiyə Balacayeva