Fədayə Laçın azadlığa buraxılmayıb - yenilənib
Bu gün Nəsimi Rayon Məhkəməsində Bakıda məhbusların qaçmasına kömək göstərməkdə təqsirləndirilərək həbs olunan müğənni Fədayə Laçının müraciəti üzrə məhkəmə keçirilib.
Muztv.az xəbər verir ki, hakim Babək Pənahovun sədrliyi ilə keçirilən prosesdə Fədayə Laçının özü də iştirak edib.
F.Laçın barəsində seçilən həbs qətimkan tədbirinin dəyişdirilməsini istəyib.
Jurnalistlərə açıqlama verən Fədayə Laçının vəkili Türkel Süleymanlı bildirib ki, məhkəmə vəsatəti təmin etməyib. O bildirib ki, qərardan apellyasiya şikayəti veriləcək: "Müvəkkilim istintaqa dəvət ediləndə özü gedib. O, istintaqdan yayınmayıb və gizlənməyib".
Onun sözlərinə görə, Fədayə Laçın vəsatətə münasibət bildirərkən xəstə olduğunu deyib: "Övladım var, anam xəstədir. Özüm də istintaqdan yayınmamışam, nə də belə bir fikrim var. Xahiş edirəm mənim müraciətimi təmin edəsiz". Vəkil qeyd edib ki, Fədayə Laçın "Hepatit C" xəstəliyindən əziyət çəkir: "Apellyasiya şikayətimiz təmin edilməsə onun saxlanıldığı təcridxanadan müalicə müəssisəsinə köçürülməsi üçün müraciət edəcəyik".
***11:00
Məhbusların xüsusi təyinatlı vaqondan qaçmasına kömək etməkdə təqsirləndirilərək həbs olunan müğənni Fədayə Laçının bu gün ilk məhkəməsidir.
Muztv.az xəbər verir ki, bu barədə müğənninin vəkili Türkel Süleymanlı açıqlamasında deyib. O bildirib ki, məhkəmə 11:30-da başlayacaq və yarım saat davam edəcək.
Vəkil qapalı keçiriləcək məhkəmənin qısa olacağını söyləyib. Məhkəmə Fədayənin ev dustaqlığına buraxılması ilə bağlı verilən vəsatəti üzrə keçirilir.
Xatırladaq ki, bu il oktyabrın 23-də Bakı-Astara-Bakı planlı dəmir yolu qarovulu ilə xüsusi təyinatlı vaqonda Bakı şəhərinə müşayiət olunan 1980-ci il təvəllüdlü, əvvəllər məhkum edilmiş, Cinayət Məcəlləsinin (CM) müxtəlif maddələri ilə təqsirləndirilən Etibar Ələkbər oğlu Məmmədov və 1989-cu il təvəllüdlü, əvvəllər məhkum olunmamış, CM-nin müxtəlif maddələri ilə təqsirləndirilən Əli Rasim oğlu Ağami müşayiət altından qaçıblar.
Qaçan məhbuslardan Əli Ağami bir neçə gün sonra Şirvan şəhərində tutulub. E. Məmmədov isə keçirilən əməliyyat zamanı hüquq-mühafizə orqanlarının əməkdaşları tərəfindən öldürülüb.
Məhkumların qaçmasına yardım etməkdə təqsirləndirilən 3 nəfər saxlanılıb. Onlardan biri tanınmış müğənni Fədayə Laçındır. Fədayə Laçınla yanaşı, Məhəmməd Hacıyev və Günay Atakişiyeva barəsində həbs qətimkan tədbiri seçilib.
Bundan başqa, hadisə ilə əlaqədar Pentensiar Xidmətin bir neçə əməkdaşı da həbs olunub.
Muztv.az xəbər verir ki, hakim Babək Pənahovun sədrliyi ilə keçirilən prosesdə Fədayə Laçının özü də iştirak edib.
F.Laçın barəsində seçilən həbs qətimkan tədbirinin dəyişdirilməsini istəyib.
Jurnalistlərə açıqlama verən Fədayə Laçının vəkili Türkel Süleymanlı bildirib ki, məhkəmə vəsatəti təmin etməyib. O bildirib ki, qərardan apellyasiya şikayəti veriləcək: "Müvəkkilim istintaqa dəvət ediləndə özü gedib. O, istintaqdan yayınmayıb və gizlənməyib".
Onun sözlərinə görə, Fədayə Laçın vəsatətə münasibət bildirərkən xəstə olduğunu deyib: "Övladım var, anam xəstədir. Özüm də istintaqdan yayınmamışam, nə də belə bir fikrim var. Xahiş edirəm mənim müraciətimi təmin edəsiz". Vəkil qeyd edib ki, Fədayə Laçın "Hepatit C" xəstəliyindən əziyət çəkir: "Apellyasiya şikayətimiz təmin edilməsə onun saxlanıldığı təcridxanadan müalicə müəssisəsinə köçürülməsi üçün müraciət edəcəyik".
***11:00
Məhbusların xüsusi təyinatlı vaqondan qaçmasına kömək etməkdə təqsirləndirilərək həbs olunan müğənni Fədayə Laçının bu gün ilk məhkəməsidir.
Muztv.az xəbər verir ki, bu barədə müğənninin vəkili Türkel Süleymanlı açıqlamasında deyib. O bildirib ki, məhkəmə 11:30-da başlayacaq və yarım saat davam edəcək.
Vəkil qapalı keçiriləcək məhkəmənin qısa olacağını söyləyib. Məhkəmə Fədayənin ev dustaqlığına buraxılması ilə bağlı verilən vəsatəti üzrə keçirilir.
Xatırladaq ki, bu il oktyabrın 23-də Bakı-Astara-Bakı planlı dəmir yolu qarovulu ilə xüsusi təyinatlı vaqonda Bakı şəhərinə müşayiət olunan 1980-ci il təvəllüdlü, əvvəllər məhkum edilmiş, Cinayət Məcəlləsinin (CM) müxtəlif maddələri ilə təqsirləndirilən Etibar Ələkbər oğlu Məmmədov və 1989-cu il təvəllüdlü, əvvəllər məhkum olunmamış, CM-nin müxtəlif maddələri ilə təqsirləndirilən Əli Rasim oğlu Ağami müşayiət altından qaçıblar.
Qaçan məhbuslardan Əli Ağami bir neçə gün sonra Şirvan şəhərində tutulub. E. Məmmədov isə keçirilən əməliyyat zamanı hüquq-mühafizə orqanlarının əməkdaşları tərəfindən öldürülüb.
Məhkumların qaçmasına yardım etməkdə təqsirləndirilən 3 nəfər saxlanılıb. Onlardan biri tanınmış müğənni Fədayə Laçındır. Fədayə Laçınla yanaşı, Məhəmməd Hacıyev və Günay Atakişiyeva barəsində həbs qətimkan tədbiri seçilib.
Bundan başqa, hadisə ilə əlaqədar Pentensiar Xidmətin bir neçə əməkdaşı da həbs olunub.