“Muz life"ın bazar günü efiri maraqlı süjetlərlə zəngindir - həftəlik
MUZ TV Azərbaycan kanalında yayımlanan "Muz life" xəbərlər buraxılışının fevralın 25-də, bazar günü efiri maraqlı süjetlərlə zəngindir.
Muztv.az xəbər verir ki, geridə qoyduğumuz həftədə yerli və xarici şou dünyasında baş verən maraqlı hadisələrə nəzər sala bilərsiniz. Odur ki, həftəlik yekun blokunu təqdim edirik.
Azərbaycan Milli Konservatoriyasında Xalq Artisti, görkəmli muğam ifaçısı, professor Arif Babayevin 80 illiyinə həsr edilmiş yubiley gecəsi keçirilib. Tədbir bir çox maraqlı məqamları ilə yadda qalıb.
Heydər Əliyev Sarayında Azərbaycanın tanınmış bəstəkarı, Xalq Artisti Elza İbrahimovanın 80 illik yubileyi münasibətilə konsert keçirilib. Yubiley gecəsində Xalq artistləri, Əməkdar artistlər və tanınmış ifaçılar iştirak ediblər.
Xalq Artisti Firəngiz Mütəlliova təhsil almadan aktyorluq sənətinə gələn gənclərdən söz açıb. Sənətçi Azərbaycan istehsalı olan filmlərdə yeni addımlarını atan aktyor-aktrisalara öz məsləhətlərini verib.
Əməkdar Mədəniyyət İşçisi, ozan sənətinin tanınmış nümayəndəsi, aşıq Ulduz Sönməz telekanalımıza müsahibə verib. Sənətçi “peşəkarlardan gənc nəslə qarşı olan paxıllıq hissi” fikrinə qarşı çıxıb.
Əməkdar Artist Natiq Şirinov “Natiq ritm” qrupunun 20 illiyi münasibətilə sevənləri üçün xüsusi proqram hazırladığını açıqlayıb. Nağara ustası bu il Azərbaycan Dövlət Akademik Flarmoniyasında da konsert vermək istəyini deyib.
Əməkdar İncəsənət Xadimi Fəxriyyə Xələfova telekanalımıza verdiyi müsahibədə gözəl qalmasının sirrlərindən danışıb. Gözəlliyini əsasən işi ilə əlaqələndirdiyini bildirən modelyer yaradıcılığında müxtəlif yeniliklərin baş verdiyini açıqlayıb.
Muğam ifaçısı, Əməkdar Artist Babək Niftəliyevdən şad xəbər var. İfaçı tezliklə yeni albomunu təqdim edəcəyini deyib.
Estetik əməliyyatlarının sayı ilə rəqabətə girən müğənnilərdən fərli olaraq, Türkiyəyə səs salan ifaçımız Zemfira İbrahimova gözəlləşmək üçün buna ehtiyac duymadığını deyib. Amma sənətçi bizə verdiyi müsahibədə xarici görünüşdə dəyişiklik etməyi sevdiyindən və yeni saçlarından söz açıb.
Müğənni Ayaz Qasımov həmkarı Səbinə Babayeva ilə arasında "soyuq" münasibətlərin davam etməsi ilə bağlı yayılan xəbərlərə aydınlıq gətirib. İfaçı bizə verdiyi açıqlamasında xanım sənətçi ilə barışığa imza atıb-atmayacağı barədə danışıb.
Əməkdar Artist Lalə Məmmədova doğum günündə sevənlərini ətrafına toplayaraq “Nəğməkar qız” adlı konsert proqramı ilə çıxış edib. Beynəlxalq Muğam Mərkəzində keçirilən musiqili gecəyə tanınmış incəsənət və mədəniyyət xadimləri də qatılıblar.
Əməkdar Artist, skripka ifaçısı və müğənni Səlim Abbasovun sən demə aktyorluq qabiliyyəti də varmış. Bu sahədə istedadının olduğunu telekanalımıza açıqlayan sənətçi ona gələn film təklifindən danışıb.
Prodüser Təranə Səmədova bundan sonra heç bir müğənni ilə çalışmayacağını bildirib. Təranə Muz-life kamerası qarşısına keçərək ona daha çox gəlir gətirən və zövq aldığı ifaçıların adlarını açıqlayıb.
Həmişə olduğu kimi, bu həftə də yerli şou aləmində maraqlı hadisələr baş verib. Söz və sənətləri ilə gündəmdə qalmağı bacaran ulduzların ən son məlumatlarını həftəlik yerli xəbər blokunda eşidəcəksiniz.
Xarici məşhurlarla bağlı xəbər blokunda "əcnəbi ulduzlar həftə ərzində hansı hadislərlə yadda qalıblar" sualına cavab da tapacaqsınız.
Həmişə olduğu kimi, bu həftə də yerli şou aləmində maraqlı hadisələr baş verib. Söz və sənətləri ilə gündəmdə qalmağı bacaran ulduzların ən son məlumatlarını həftəlik yerli xəbər blokunda eşidəcəksiniz.
Xarici məşhurlarla bağlı xəbər blokunda "əcnəbi ulduzlar həftə ərzində hansı hadislərlə yadda qalıblar" sualına cavab da tapacaqsınız.
Beləliklə, daim fəaliyyətdə olan yerli və xarici şou-biznes aləmində həftə ərzində baş verən xəbərlərə bu gün - fevralın 25-də saat 19:00-da MUZ TV Azərbaycan kanalının "Muz life" verilişində baxa bilərsiniz.