"Evrovisiya"nın ilk qalibi Liz Assia vəfat edib

İsveçrənin estrada müğənnisi, 1956-cı ildə dünyada "Evrovisiya" mahnı müsabiqəsinin ilk qalibi olmuş Liz Assia vəfat edib.



Muztv.az xəbər verir ki, bu barədə "Blick" qəzetinə müğənninin keçmiş katibi xəbər verib.



Bildirilir ki, Liz Assia Sürixin rayonlarından birindəki xəstəxanada 94 yaşında dünyasını dəyişib. O, "Refrain" mahnısı ilə karyerasında ən böyük uğura nail olaraq, "Avroviziya"nın ilk qalibi kimi tarixə düşüb.



Sonralar müğənnini digər mahnı musabiqələrinə fəxri qonaq kimi dəvət edilib. Assia həmçinin ötən əsrin 50-ci illərində bir neçə filmə çəkilib.