Fuad Poladov vəfat edib
Azərbaycanın Xalq Artisti teatr və kino aktyoru Fuad Poladov vəfat edib.
Muztv.az xəbər verir ki, bu barədə aktrisa Münəvvər Əliyeva şəxsi səhifəsində məlumat yayıb. Xəbəri mərhum sənətkarın ailəsi də təsdiqləyib.
O, ölkədə lirik-psixoloji üslublu aktyorluq məktəbinin qabaqcıl nümayəndəsi kimi tanınır. Fəlsəfi-dramatik və faciə üslublu əsərlərdə rolların ifaçısı idi.
F.Poladov həmçinin qabaqcıl ictimai xadim simasını qoruyub-saxlayan insan kimi qəbul edilir. Bakıda 1948-ci ildə anadan olan tanınmış sənətkar aktyorluq fəaliyyətinin 20 ildən çoxunu Azərbaycan Dövlət Akademik Milli Dram Teatrında keçirib. O, bir çox kinofilmlərdə obrazlar yaradıb. Bura “Ad günü”, “Ağasadıq Gəraybəyli”, “Ailə”, “Aktrisa”, “Arxada qalmış gələcək”, “Beşmərtəbəli evin altıncı mərtəbəsi”, “Cəza”, “Əlvida, cənub şəhəri”, “Yeddi oğuldan biri”, “Fatehlərin divanı”, “İşarəni dənizdən gözləyin”, “İstintaq davam edir” və başqa filmlər daxildir.
Xatırladaq ki, Xalq Artisti 69 yaşında dünyasını dəyişib və o, xərçəng xəstəlyindən əziyyət çəkib.
Muztv.az xəbər verir ki, bu barədə aktrisa Münəvvər Əliyeva şəxsi səhifəsində məlumat yayıb. Xəbəri mərhum sənətkarın ailəsi də təsdiqləyib.
O, ölkədə lirik-psixoloji üslublu aktyorluq məktəbinin qabaqcıl nümayəndəsi kimi tanınır. Fəlsəfi-dramatik və faciə üslublu əsərlərdə rolların ifaçısı idi.
F.Poladov həmçinin qabaqcıl ictimai xadim simasını qoruyub-saxlayan insan kimi qəbul edilir. Bakıda 1948-ci ildə anadan olan tanınmış sənətkar aktyorluq fəaliyyətinin 20 ildən çoxunu Azərbaycan Dövlət Akademik Milli Dram Teatrında keçirib. O, bir çox kinofilmlərdə obrazlar yaradıb. Bura “Ad günü”, “Ağasadıq Gəraybəyli”, “Ailə”, “Aktrisa”, “Arxada qalmış gələcək”, “Beşmərtəbəli evin altıncı mərtəbəsi”, “Cəza”, “Əlvida, cənub şəhəri”, “Yeddi oğuldan biri”, “Fatehlərin divanı”, “İşarəni dənizdən gözləyin”, “İstintaq davam edir” və başqa filmlər daxildir.
Xatırladaq ki, Xalq Artisti 69 yaşında dünyasını dəyişib və o, xərçəng xəstəlyindən əziyyət çəkib.