Fidan Hacıyevanın Tbilisidə möhtəşəm konserti - foto
Azərbaycanın Xalq Artisti, Akademik Opera və Balet Teatrının solisti Fidan Hacıyeva mayın 11-də Tbilisidə Şota Rustaveli adına Dövlət Dram Teatrında konsert proqramı ilə çıxış edib.
Muztv.az xəbər verir ki, tədbir Azərbaycanın Gürcüstandakı səfirliyinin təşkilatçılığı ilə reallaşıb.
Konsertdən əvvəl Azərbaycanın Gürcüstandakı səfiri Dursun Həsənov çıxış edərək tamaşaçılar adından Xalq Artistinə gözəl, ecazkar ifalarına görə minnətdarlıq edib. Səfirliyin məsul əməkdaşı Samirə Ağayeva isə konsert proqramının ulu öndər Heydər Əliyevin anadan olmasının 95 illiyinə həsr olunduğunu bildirib.
Fidan Hacıyeva konserti dahi Üzeyir Hacıbəylinin “Sevgili canan” romansı ilə açıb. Sonra Xalq Artisti “Sənsiz”, “Mən sizi sevirəm”, “Bu gün ayın üçüdür”, “Azərbaycan” və digər xalq, bəstəkar mahnıları və romansları səsləndirib. Onu fortepianoda beynəlxalq müsabiqələr laureatı Səidə Tağızadə müşayiət edib.
Konsert proqramı tamaşaçılar tərəfindən alqışlarla qarşılanıb.
Konsertdən sonra Xalq Artisti Fidan Hacıyeva təəssüratlarını jurnalistlərlə bölüşüb. O deyib: “Azərbaycan Xalq Cümhuriyyəti-100” adı altında layihə hazırlamışıq. İlk konsertim mayın 6-da M.Maqomayev adına Azərbaycan Dövlət Akademik Filarmoniyasında olub. Bu gün isə ulu öndər Heydər Əliyevin anadan olmasının 95-ci ildönümü ilə əlaqədar Tbilisidə çıxış etdim. Özümü çox xoşbəxt hiss edirəm”.
Xalq Artisti bildirib ki, növbəti konsertləri mayın 16-da Londonda, mayın 23-də isə İsveçrədə keçiriləcək.
Muztv.az xəbər verir ki, tədbir Azərbaycanın Gürcüstandakı səfirliyinin təşkilatçılığı ilə reallaşıb.
Konsertdən əvvəl Azərbaycanın Gürcüstandakı səfiri Dursun Həsənov çıxış edərək tamaşaçılar adından Xalq Artistinə gözəl, ecazkar ifalarına görə minnətdarlıq edib. Səfirliyin məsul əməkdaşı Samirə Ağayeva isə konsert proqramının ulu öndər Heydər Əliyevin anadan olmasının 95 illiyinə həsr olunduğunu bildirib.
Fidan Hacıyeva konserti dahi Üzeyir Hacıbəylinin “Sevgili canan” romansı ilə açıb. Sonra Xalq Artisti “Sənsiz”, “Mən sizi sevirəm”, “Bu gün ayın üçüdür”, “Azərbaycan” və digər xalq, bəstəkar mahnıları və romansları səsləndirib. Onu fortepianoda beynəlxalq müsabiqələr laureatı Səidə Tağızadə müşayiət edib.
Konsert proqramı tamaşaçılar tərəfindən alqışlarla qarşılanıb.
Konsertdən sonra Xalq Artisti Fidan Hacıyeva təəssüratlarını jurnalistlərlə bölüşüb. O deyib: “Azərbaycan Xalq Cümhuriyyəti-100” adı altında layihə hazırlamışıq. İlk konsertim mayın 6-da M.Maqomayev adına Azərbaycan Dövlət Akademik Filarmoniyasında olub. Bu gün isə ulu öndər Heydər Əliyevin anadan olmasının 95-ci ildönümü ilə əlaqədar Tbilisidə çıxış etdim. Özümü çox xoşbəxt hiss edirəm”.
Xalq Artisti bildirib ki, növbəti konsertləri mayın 16-da Londonda, mayın 23-də isə İsveçrədə keçiriləcək.