Arzu Əliyeva Uşaq Festivalında - foto
Heydər Əliyev Mərkəzinin parkında təşkil olunan Uşaq Festivalı davam edib.
Muztv.az xəbər verir ki, Heydər Əliyev Fondunun təşəbbüsü, Təhsil Nazirliyinin, Heydər Əliyev Mərkəzinin və Nəqliyyat, Rabitə və Yüksək Texnologiyalar Nazirliyinin dəstəyi ilə iyunun 1-2-də keçirilən tədbirin ikinci günündə də Bakının azyaşlı sakinləri və qonaqları müxtəlif əyləncələrdə iştirak edib, asudə vaxtlarını dostları ilə birgə keçiriblər.
Festivalın ikinci günündə Bakı Media Mərkəzinin prezidenti Arzu Əliyeva iştirak edib, Mərkəzin parkında uşaqlar üçün yaradılan əyləncə məkanları ilə tanış olub.
Uşaqlar üç saat ərzində bayramlarını əyləncələrlə qeyd etməklə yanaşı, istedad və bacarıqlarını nümayiş etdirib, intellektual yarışlarda, maarifləndirici təlimlərdə iştirak ediblər.
Festival iyunun 1-dən Uşaqların Beynəlxalq Müdafiəsi Günü münasibətilə start götürüb.
Parkın ərazisi müxtəlif mövzular və əyləncə növləri üzrə bölünüb. Cizgi film qəhrəmanlarının iştirakı ilə nağıllar aləminə səyahət təşkil olunub. Uşaqlar sevimli personajları ilə görüşüb, onlarla birlikdə əyləniblər.
Heydər Əliyev Mərkəzinin parkında yaradılan maraqlı və sevilən zonalardan biri isə “Safari turu”, “Mini ferma” olub. Burada azyaşlılar bir sıra heyvanlarla canlı tanış ola biliblər.
Xatırladaq ki, festivalın birinci günündə Bakıda və regionlarda fəaliyyət göstərən uşaq evlərinin sakinləri və internat məktəblərinin şagirdləri, eləcə də xüsusi qayğıya ehtiyacı olan uşaqlar iştirak ediblər. Onlar hazırladıqları müxtəlif əl işlərini sərgiləyib, rəqs və musiqi nömrələri ilə çıxış ediblər. Sonda uşaq evləri və internat məktəblərindən olan qonaqlara Heydər Əliyev Fondunun hədiyyələri təqdim edilib.
Festival bu gün başa çatıb.
Muztv.az xəbər verir ki, Heydər Əliyev Fondunun təşəbbüsü, Təhsil Nazirliyinin, Heydər Əliyev Mərkəzinin və Nəqliyyat, Rabitə və Yüksək Texnologiyalar Nazirliyinin dəstəyi ilə iyunun 1-2-də keçirilən tədbirin ikinci günündə də Bakının azyaşlı sakinləri və qonaqları müxtəlif əyləncələrdə iştirak edib, asudə vaxtlarını dostları ilə birgə keçiriblər.
Festivalın ikinci günündə Bakı Media Mərkəzinin prezidenti Arzu Əliyeva iştirak edib, Mərkəzin parkında uşaqlar üçün yaradılan əyləncə məkanları ilə tanış olub.
Uşaqlar üç saat ərzində bayramlarını əyləncələrlə qeyd etməklə yanaşı, istedad və bacarıqlarını nümayiş etdirib, intellektual yarışlarda, maarifləndirici təlimlərdə iştirak ediblər.
Festival iyunun 1-dən Uşaqların Beynəlxalq Müdafiəsi Günü münasibətilə start götürüb.
Parkın ərazisi müxtəlif mövzular və əyləncə növləri üzrə bölünüb. Cizgi film qəhrəmanlarının iştirakı ilə nağıllar aləminə səyahət təşkil olunub. Uşaqlar sevimli personajları ilə görüşüb, onlarla birlikdə əyləniblər.
Heydər Əliyev Mərkəzinin parkında yaradılan maraqlı və sevilən zonalardan biri isə “Safari turu”, “Mini ferma” olub. Burada azyaşlılar bir sıra heyvanlarla canlı tanış ola biliblər.
Xatırladaq ki, festivalın birinci günündə Bakıda və regionlarda fəaliyyət göstərən uşaq evlərinin sakinləri və internat məktəblərinin şagirdləri, eləcə də xüsusi qayğıya ehtiyacı olan uşaqlar iştirak ediblər. Onlar hazırladıqları müxtəlif əl işlərini sərgiləyib, rəqs və musiqi nömrələri ilə çıxış ediblər. Sonda uşaq evləri və internat məktəblərindən olan qonaqlara Heydər Əliyev Fondunun hədiyyələri təqdim edilib.
Festival bu gün başa çatıb.