Müğənni ikinci həyat yoldaşından ayrılmasını təsdiqlədi

Müğənni Sevda Sanəliyeva ikinci həyat yoldaşından ayrılmasını təsdiqləyib.

Muztv.az xəbər verir ki, ifaçı bu barədə özü məlumat verib.

O bundan sonra bu məsələ ilkə bağlı heç bir sualı cavablandırmayacağını və danışmayacağını deyib.

S.Sanəliyeva bu günlərdə İnstaqram səhifəsində paylaşım edərək pis günündə bir çox dostunun ona dəstək olmamasından gileylənib:

“Mənim üçün narahat olan, pis olan və çətin günümdə məni heç yada salmayan, üstəlik sevinənlərə də minnətdaram. Bunu görməyim yaxşıdır. İnsan büdrəyə-büdrəyə bərkiyir. Əsas Allah hər kəsin ürəyinə görə versin. Məni nə qədər çox sevdiyinizi bildim, dəyərli İnstaqram izləyicilərim. Şükür ki, günəş yenidən çıxdı. Allaha sığınmaq, ondan xeyirli xəbərlər istəmək ən gözəl işdir”.

Xatırladaq ki, müğənni ikinci dəfə Cəmil adlı şəxslə ailə qurmuşdu. Onun birinci nikahdan oğlu, ikincidən isə qızı dünyaya gəlib.