“Məclis”in böyük uğuru - VİDEO

Xalq artisti Aygün Kazımova yeni təqdim etdiyi “Məclis” mahnısı ilə rəqəmsal platformaları fəth edərək böyük uğura imza atıb.

Mahnı qısa müddətdə dinləyicilərin marağını qazanaraq trend olub və gündəmi zəbt edib. Belə ki, “Məclis” hazırda “YouTube” trend siyahısında ilk 3-lükdə qərarlaşıb. Mahnının rəsmi klipi isə bir neçə gün ərzində 766 mindən çox baxış toplayıb.  

TikTok-da da mahnı böyük rezonans doğurub. İstifadəçilər “Məclis”in sədaları altında 15 mindən çox video paylaşaraq trendə çevrilməsinə səbəb olublar.

Bununla yanaşı, Pop kraliçanın mahnısı Türkiyədə də maraqla qarşılanıb. “Spotify”ın məşhur Türkiyə rap pleylistlərində yer alan “Məclis” müxtəlif musiqi auditoriyalarının diqqətini çəkməyi bacarıb. Eyni zamanda, “Apple Music” platformasında da ən çox dinlənilən mahnılar arasında ilk 5-liyə yüksələrək növbəti uğurunu əldə edib. 

Xatırladaq ki, “Məclis” son günlər sosial şəbəkələrdə ən çox paylaşılan və müzakirə olunan yerli mahnılardan biri hesab olunur. Bəstənin söz və musiqisi Abbas İsmayılova (Asoundady) məxsusdur.