Aşıq Samirə: “Nədənsə yanımda qalmadı, getdi”

Aşıq Samirə Əliyeva şairə Cığatel İsaqızının şeirini paylaşıb.

Muztv.az xəbər verir ki, sənətçi şeiri İnstaqram hesabı vasitəsilə izləyicilərilə bölüşüb.

Həmin paylaşımı təqdim edirik:

Əzrail gəlmişdi canım almağa,
Nədənsə yanımda qalmadı, getdi.
Söylədi “canının hanı yarısı?”
Dedim yarımdadır, almadı getdi.
Yar dedim, yaralı sözümə baxdı,
Üzüldüm üzülmüş üzümə baxdı,
Gözlədim közərən gözümə baxdı,
Ağladı, gözünü silmədi getdi.
Əzrail kəm baxdı, kəm Cığatelə
Halımdan halına düşdü vəlvələ,
Getmə, dayan dedim mən Əzrailə
Dedi sən ölüsən, gəlmədi, getdi.