Elza Seyidcahan: “Pozğunluğun yollarında, yeyərəm onu "uff" demərəm”

Əməkdar artist Elza Seyidcahan yeni şeirini sosial mediada təqdim edib.

Muztv.az xəbər verir ki, şeirin adı “Əxlaqlı adam” adlanır.

E.Seyidcahan İnstaqram hesabında bölüşdüyü fotoya “Əslində heç bir yaradıcı insan öz yaratdığı əsərin açıqlamasını verməməlidir. Bunun üçün mahir nəzəriyyəçilərimiz, tədqiqatçılarımız var. Düşünmək çox gözəldir. Beynimiz təzələnir. Hər bir sözü istəsək, pis və ya yaxşı mənada yoza bilərik. Arzu edirəm ki, hamımız öz dostlarımıza, yaxınlarımıza pisliyə yaxşılıqla cavab verməkdən usanmayaq. Mütləq göylərdən gözəl mükafatını alacağıq. Buna bənzər də el arasında deyirlər ki, “Mən də yaxşılığın pozğunuyam” qeydini yazıb.

Həmin paylaşımı təqdim edirik:

Yorğunam mən,
Özüm bilərəm.
Yaşamağı dadıram,
Yaxşılıqla yatıram,
Yaxşılıqda yanıram,
Mən yandıqca qanıram.
Azmışam mən
Pozqunluğun yollarında, 
Yatmışam mən
Yaxşılığın qollarında, 
Döşəyimin yorğanıyam,
Yumru-yumru, yumru-yumru
Buludların arxasından 
Vurğunuyam nəsihətin.
Ölürəm acından onun üçün,
Yeyərəm onu "uff" demərəm.
Axı o mənim hürriyətim
Min bir sahibi vardır
Mənim təmiz əxlaqımın
Dedi-qodudan
Qorxusu olmaz.
Saf sutək əxlaqımın
Səhər-axşam qalxanıyam çirkinliyin
Miskinliyin fərmanıyam
Küskünlüyün dərmanıyam
Qəmlər bir cür yozqundur
Dəmlər yüz cür yozqundur
Pozğunluğun acından
Ölüm acından
Ölün acından 
O pozğun ki, mənim kimi bir pozğuna
Qoy rast gəlsin istəyirəm

Ey pisliyin pozğunları,
Pozğun olub yaxşılıqda
Arxalıqda, yamanlıqda
Samanlıqda əsalanan
Köməyinə guya gələr
Səs-küyü ürpələnər alışdıqca
Mən pozğunam.
Sən də pozğun ol, deyəcək
Mənim kimi
İtin kimi etibarlı olmağı mən istəyirəm
Toxluğuyam yamanlığın,
Çoxluğuyam tamamlığın,
Vurğunuyam təsirliyin,
Aşiqiyəm yönlülüyün,
Heyranıyam adlılığın.

Zirvəsiyəm yerliliyin,
Ustadıyam çıxışlığın,
Atılanıyam yaxşılığın,
Heç kəs özünü saya bilməz
Tam əxlaqlı adam
Nə qədər ki, deyil hamı
Tam əxlaqlı adam.