Doğum gününü qeyd edən Qurd: "Mənə səmimi və sərhədsiz nə hədiyyə edərdin?" - foto

Qısa bir zaman kəsiyində məşhurlaşan "Qurd" ləqəbli reper Fərid Eminovun bu gün doğum günüdür.

Muztv.az xəbər verir ki, ifaçı 33 yaşını tamam edir.

Yay aylarında ölkənin bir sıra yerlərində silsilə konsert proqramları ilə çıxış etməyə hazırlaşan ifaçı İnstagram hesabında foto paylaşaraq izləyicilərini 20 may saat 16:00-da şəhər restoranlarından birində baş tutacaq konsert proqramına dəvət edib:

"Sabah ad günümdə bütün dinləyicilərimi konsertimdə gözləyirəm, giriş öz hesabıma olacaq" .

Qurd ad günü ilə də bağlı maraqlı paylaşım edərək sevənlərinə düşündürücü sual ünvanlayıb:

"Sən mənə nə hədiyyə edərdin? Səmimi və sərhədsiz..."

Qeyd edək ki, Fərid Eminov 20 May 1985-ci ildə Bakı şəhərində anadan olub. 

İlk rep fəaliyyətinə 2000-ci ildə başlayıb, daha sonra Klan-A-Plan proyektinin ən fəal üzvlərindən biri olub.

2013-ci ildə qrup dağıldıqdan sonra solo fəaliyyətə başlayıb. 

Məşhur mahnıları “Rəqs edir hər kəs”, “Tapın Onu” , “Tək-tək” , Apar məni” və başqalarıdır. 

Hazırda evlidir, iki oğul övladı var.