Heydər Əliyev Sarayında möhtəşəm bayram konserti

Mayın 29-da Heydər Əliyev Sarayında “Pillə” adlı bayram konserti keçiriləcək. 1 iyun - Uşaqların Beynəlxalq Müdafiəsi gününə həsr olunmuş konsert Heydər Əliyev Sarayı, “Azərbaycan Televiziya və Radio Verilişləri” Qapalı Səhmdar Cəmiyyəti və Bakı Şəhər Mədəniyyət və Turizm Baş İdarəsinin birgə təşkilatçılığı ilə baş tutacaq.

Muztv.az xəbər verir ki, konsertdə idarənin nəzdində olan Bakı şəhər uşaq musiqi və incəsənət məktəbləri şagirdlərinin iştirakı ilə hazırlanan möhtəşəm konsert proqramı təqdim ediləcək.