“Yaranış” təqdim olundu – fotolar
Beynəlxalq Mətbuat Mərkəzində əməkdar artist, nağara ifaçısı Kamran Kərimovun klipinin təqdimatı reallaşıb.
Muztv.az xəbər verir ki, “Yaranış” adlanan musiqi kompazisiyasının nümayişində xalq artisti Nəzakət Teymurova, əməkdar artist Tünzalə Ağayeva, bəstəkarlar Səyavuş Kərimi, Vaqif Gərayzadə, Vüqar Camalzadə, xanəndələr Ehtiram Hüseynov, Qoçaq Əsgərov və başqaları iştirak edib.
Ekran əsərinin rejissoru Samir Qulamovdur.
Klipin əsas süjet xətti təbii səslərin (külək səsi, şimşəyin çaxması və göy gurultusunu) təsvirini canlı yaratmaqdır, bütün ideyalar Kamran Kərimova məxsusdur.
Kamran Kərimov kameralarımıza yaxınlaşaraq bu gün ilə bağlı öz təəssüratlarını bölüşüb:
“Bu günə kimi çox gözəl nağara ifaları olub, elə çalğı üslübu da onların bəhrəsidir ki, bu gün uğurla davam edir. Düşündüm ki, ifam fərqli alınsın, nağara tək zərb aləti deyil, bu alətin üstünlüklərini göstərməyə çalışdım, klipimdə dramaturji xətt yaratmağa çalışdım. Belə bir gündə hisslərimi ifadə etmək çox çətindir, çox məsuliyyətli bir iş idi, Azərbaycan musiqisində çox böyük əziyyəti olan insanlar qonaq oldu. Bu gün mənim üçün nağara günü idi, nağaranın hörmətinə toplaşıblar. Qonaqların fikrindən də razı qaldım, tənqidə də, xoş sözə də də sivil yanaşmaq lazımdır”.
Klipin rejissoru Samir Qulamov süjet xəttindən bəhs edib:
“Klip əsasən düşüncələr, xəyallar üstündə qurulub, süjet xətti yeni bir ritm axtarışında olan ifaçının bir anından bəhs edir”.
Milli Konservatoriyanın rektoru, bəstəkar Səyavuş Kərimi klipi bəyənsə də, iradını da bildirib:
“Hər bir layihənin arxasında böyük bir zəhmət dayanır, o ki qaldı klipə zərb alətlərini çox uzun müddət eşitmək olar, amma 5-10-15 dəqiqədən sonra bu çətin olar. Nağara aləti müşayiətçi bir alətdir, Kamran Kərimov isə bu gün bu alətin ən gözəl müşayiətçisidir. Xoşuma gəlməyən tək məqam klipdə saat və nağaranın ritminin fərqli olmasıdır. Belə layihələr çox olmalıdır ki, müqayisə də etmək alınsın, ümid edirəm ki, davamı olacaq”.
Bəstəkar Vaqif Gərayzadə klipi bəyənərək Kamran Kərimovu virtuoz ifaçı adlandırıb:
“Kamranı təbrik edirəm, ona bütün fikirlərimi təklikdə də bildirmişəm, o mənim üçün virtuoz ifaçıdır, müxtəlif janrlarda uğurla ifa edir”.
Xalq artisti Nəzakət Teymurova da öz təəssüratlarını bölüşüb:
“Çox bəyəndik, yüksək səviyyədə hazırlanıb, bütün heyətin əziyyəti var. Zəhmət çəkilmiş bir işdir. Uğurlar arzulayıram”.
Əmıəkdar artist Tünzalə Ağayeva Kərimovun klipindən özünə müəyyən ideyalar qazandığını vurğulayıb:
“Dəyərli fikirlərə, qeydlərə mən də qatılıram. Əminliklə deyə bilərəm ki, Kamran mənim həyatda ən yaxın dostumdur, onun uğuru ilə fəxr edirəm. Onun kimi öz işi barədə mükəmməl düşünən çox az sayda sənətçi var, deməli, musiqi mədəniyyətimiz etibarlı əllərdədir. Kamran kilpdə də göründüyü kimi öz işinə eşqlə yanaşıb, buna görə də Azərbaycan mədəniyyəti qazanıb. Onun ifası məni fərqli zamanlara atdı, hətta klipə baxa-baxa özüm üçün faydalandım. Peşəkarlıqda eqoizm olmaz”.
Muğam ifaçısı Ehtiram Hüseynov da klipi bəyəndiyini qeyd edib:
“Kamranı təbrik edirəm, xeyrili-uğurlu olsun, ardı gəlsin. Çox maraqlı idi, bu günə kimi belə bir kompozisiya eşidib görməmişdim”.
Qeyd edək ki, klipin ərsəyə gəlməsində Fəraməz Gərmrudinin dəstəyi olub.
Muztv.az xəbər verir ki, “Yaranış” adlanan musiqi kompazisiyasının nümayişində xalq artisti Nəzakət Teymurova, əməkdar artist Tünzalə Ağayeva, bəstəkarlar Səyavuş Kərimi, Vaqif Gərayzadə, Vüqar Camalzadə, xanəndələr Ehtiram Hüseynov, Qoçaq Əsgərov və başqaları iştirak edib.
Ekran əsərinin rejissoru Samir Qulamovdur.
Klipin əsas süjet xətti təbii səslərin (külək səsi, şimşəyin çaxması və göy gurultusunu) təsvirini canlı yaratmaqdır, bütün ideyalar Kamran Kərimova məxsusdur.
Kamran Kərimov kameralarımıza yaxınlaşaraq bu gün ilə bağlı öz təəssüratlarını bölüşüb:
“Bu günə kimi çox gözəl nağara ifaları olub, elə çalğı üslübu da onların bəhrəsidir ki, bu gün uğurla davam edir. Düşündüm ki, ifam fərqli alınsın, nağara tək zərb aləti deyil, bu alətin üstünlüklərini göstərməyə çalışdım, klipimdə dramaturji xətt yaratmağa çalışdım. Belə bir gündə hisslərimi ifadə etmək çox çətindir, çox məsuliyyətli bir iş idi, Azərbaycan musiqisində çox böyük əziyyəti olan insanlar qonaq oldu. Bu gün mənim üçün nağara günü idi, nağaranın hörmətinə toplaşıblar. Qonaqların fikrindən də razı qaldım, tənqidə də, xoş sözə də də sivil yanaşmaq lazımdır”.
Klipin rejissoru Samir Qulamov süjet xəttindən bəhs edib:
“Klip əsasən düşüncələr, xəyallar üstündə qurulub, süjet xətti yeni bir ritm axtarışında olan ifaçının bir anından bəhs edir”.
Milli Konservatoriyanın rektoru, bəstəkar Səyavuş Kərimi klipi bəyənsə də, iradını da bildirib:
“Hər bir layihənin arxasında böyük bir zəhmət dayanır, o ki qaldı klipə zərb alətlərini çox uzun müddət eşitmək olar, amma 5-10-15 dəqiqədən sonra bu çətin olar. Nağara aləti müşayiətçi bir alətdir, Kamran Kərimov isə bu gün bu alətin ən gözəl müşayiətçisidir. Xoşuma gəlməyən tək məqam klipdə saat və nağaranın ritminin fərqli olmasıdır. Belə layihələr çox olmalıdır ki, müqayisə də etmək alınsın, ümid edirəm ki, davamı olacaq”.
Bəstəkar Vaqif Gərayzadə klipi bəyənərək Kamran Kərimovu virtuoz ifaçı adlandırıb:
“Kamranı təbrik edirəm, ona bütün fikirlərimi təklikdə də bildirmişəm, o mənim üçün virtuoz ifaçıdır, müxtəlif janrlarda uğurla ifa edir”.
Xalq artisti Nəzakət Teymurova da öz təəssüratlarını bölüşüb:
“Çox bəyəndik, yüksək səviyyədə hazırlanıb, bütün heyətin əziyyəti var. Zəhmət çəkilmiş bir işdir. Uğurlar arzulayıram”.
Əmıəkdar artist Tünzalə Ağayeva Kərimovun klipindən özünə müəyyən ideyalar qazandığını vurğulayıb:
“Dəyərli fikirlərə, qeydlərə mən də qatılıram. Əminliklə deyə bilərəm ki, Kamran mənim həyatda ən yaxın dostumdur, onun uğuru ilə fəxr edirəm. Onun kimi öz işi barədə mükəmməl düşünən çox az sayda sənətçi var, deməli, musiqi mədəniyyətimiz etibarlı əllərdədir. Kamran kilpdə də göründüyü kimi öz işinə eşqlə yanaşıb, buna görə də Azərbaycan mədəniyyəti qazanıb. Onun ifası məni fərqli zamanlara atdı, hətta klipə baxa-baxa özüm üçün faydalandım. Peşəkarlıqda eqoizm olmaz”.
Muğam ifaçısı Ehtiram Hüseynov da klipi bəyəndiyini qeyd edib:
“Kamranı təbrik edirəm, xeyrili-uğurlu olsun, ardı gəlsin. Çox maraqlı idi, bu günə kimi belə bir kompozisiya eşidib görməmişdim”.
Qeyd edək ki, klipin ərsəyə gəlməsində Fəraməz Gərmrudinin dəstəyi olub.