Emin Sabitoğlunun mahnılarından ibarət konsert keçirildi
Heydər Əliyev Sarayında Emin Sabitoğlunun mahnılarından ibarət konsert proqramı reallaşıb.
Muztv.az xəbər verir ki, tədbirə "Bakı, sabahın xeyir" mahnısı ilə start verilib.
Musiqili gecədə ifaçıları "Niyazi" adına Dövlət simfonik orkestri, xalq artisti Ənvər Sadıqovun rəhbərlik etdiyi "Qaytağı" instrumental ansamblı və "Dan ulduzu" estrada simfonik orkestri müşayiət edib. Tədbirdə "Hicran" tamaşasından səhnəcik nümayiş olunub və eyniadlı əsər, daha sonra isə Mirzə Babayevin ifasında sevilən "Kəpənək" mahnısı səsləndirilib. Bəstəkarın ən çox səs-küy doğuran mahnılarından biri olan "Sən uzaq yaşıl ada" əsəri isə müğənni Elton Hüseynəliyevin ifasında təqdim olunub. Musiqili gecədə məhrum xalq artisti İlhamə Quliyevanın ifasında "Çiçək yağışı" mahnısının videolenti nümayiş etdirilib və musiqi rəqs kompozisiyası ilə müşayiət edilib. Bundan başqa, gecədə bəstəkarın “Payız gəldi”, “Bu gecə”, “Şükriyyə”, “Alagözlüm”, “Ayrılma məndən”, “Qəlbimdə qaldın”, “Əlvida”, "Çay", "Dağlar" “Dərələr” və s. sevilən mahnıları səsləndirilib.
Gecədə görkəmli bəstəkarın qızı Ceyran Mahmudova da iştirak edib:
"Belə bir konsertin keçirilməsi mənim üçün çox xoşdur. Azərbaycan Dövlət Televiziyasına və eləcə də Heydər Əliyev Sarayının rəhbərliyinə böyük təşəkkürümü bildirirəm".
Musiqili gecəyə qatılanlar arasında Milli Konservatoriyasının rektoru, xalq artisti Siyavuş Kərimi də var idi: "Emin Sabitoğlu Azərbaycan musiqi mədəniyyətində özünəməxsus yeri olan, xalqın məhəbbətini qazanmış dəyərli, sevilən bəstəkardır. Bu gün onu anmaq Azərbaycan musiqisinə böyük hörmət deməkdir. Onunla çoxlu işbirliyimiz olub. Birlikdə filmlərə musiqilər yazmışıq. "Bəyin oğurlanması", Təhminə və Zaur", Həm ziyarət, həm ticarət" və s. Onun musiqiləri həmişə xalq tərəfindən sevilib. Emin musiqi ilə həmişə sevilib, xalqın yaddaşında qalacaq".
Konsertdə Respublikanın xalq artistləri Flora Kərimova, Yalçın Rzazadə, Brilliant Dadaşova, Nazpəri Dostəliyeva, Ənvər Sadıqov, İlham Namiq Kamal, əməkdar artistlər Anar Şuşalı, Zakir Əliyev, Teymur Əmrah, Lalə Məmmədova, Almaz Ələsgərova, İnarə Babayeva, müğənnilər Kamilə Nəbiyeva, Rəşad İlyasov, Rövşən Əziz, Səbinə Ərəbli, Taleh Yəhyayev, Emiliya Yaqubova, Zabitə Alıyeva, Nigar Şabanova, Nurlan Əzizbəyli, Ayşən Mehdiyeva, “Sevil” qrupu və başqaları iştirak ediblər.
Muztv.az xəbər verir ki, tədbirə "Bakı, sabahın xeyir" mahnısı ilə start verilib.
Musiqili gecədə ifaçıları "Niyazi" adına Dövlət simfonik orkestri, xalq artisti Ənvər Sadıqovun rəhbərlik etdiyi "Qaytağı" instrumental ansamblı və "Dan ulduzu" estrada simfonik orkestri müşayiət edib. Tədbirdə "Hicran" tamaşasından səhnəcik nümayiş olunub və eyniadlı əsər, daha sonra isə Mirzə Babayevin ifasında sevilən "Kəpənək" mahnısı səsləndirilib. Bəstəkarın ən çox səs-küy doğuran mahnılarından biri olan "Sən uzaq yaşıl ada" əsəri isə müğənni Elton Hüseynəliyevin ifasında təqdim olunub. Musiqili gecədə məhrum xalq artisti İlhamə Quliyevanın ifasında "Çiçək yağışı" mahnısının videolenti nümayiş etdirilib və musiqi rəqs kompozisiyası ilə müşayiət edilib. Bundan başqa, gecədə bəstəkarın “Payız gəldi”, “Bu gecə”, “Şükriyyə”, “Alagözlüm”, “Ayrılma məndən”, “Qəlbimdə qaldın”, “Əlvida”, "Çay", "Dağlar" “Dərələr” və s. sevilən mahnıları səsləndirilib.
Gecədə görkəmli bəstəkarın qızı Ceyran Mahmudova da iştirak edib:
"Belə bir konsertin keçirilməsi mənim üçün çox xoşdur. Azərbaycan Dövlət Televiziyasına və eləcə də Heydər Əliyev Sarayının rəhbərliyinə böyük təşəkkürümü bildirirəm".
Musiqili gecəyə qatılanlar arasında Milli Konservatoriyasının rektoru, xalq artisti Siyavuş Kərimi də var idi: "Emin Sabitoğlu Azərbaycan musiqi mədəniyyətində özünəməxsus yeri olan, xalqın məhəbbətini qazanmış dəyərli, sevilən bəstəkardır. Bu gün onu anmaq Azərbaycan musiqisinə böyük hörmət deməkdir. Onunla çoxlu işbirliyimiz olub. Birlikdə filmlərə musiqilər yazmışıq. "Bəyin oğurlanması", Təhminə və Zaur", Həm ziyarət, həm ticarət" və s. Onun musiqiləri həmişə xalq tərəfindən sevilib. Emin musiqi ilə həmişə sevilib, xalqın yaddaşında qalacaq".
Konsertdə Respublikanın xalq artistləri Flora Kərimova, Yalçın Rzazadə, Brilliant Dadaşova, Nazpəri Dostəliyeva, Ənvər Sadıqov, İlham Namiq Kamal, əməkdar artistlər Anar Şuşalı, Zakir Əliyev, Teymur Əmrah, Lalə Məmmədova, Almaz Ələsgərova, İnarə Babayeva, müğənnilər Kamilə Nəbiyeva, Rəşad İlyasov, Rövşən Əziz, Səbinə Ərəbli, Taleh Yəhyayev, Emiliya Yaqubova, Zabitə Alıyeva, Nigar Şabanova, Nurlan Əzizbəyli, Ayşən Mehdiyeva, “Sevil” qrupu və başqaları iştirak ediblər.