Natavan Həbibi “Sənə” klipini təqdim edəcək – fotolar

Müğənni Natavan Həbibi “Sənə” adlı mahnısına çəkilən klipini sevənlərinə təqdim edəcək.

Muz TV-yə özəl olaraq danışan ifaçı klipdə əziyyəti olan hər kəsə təşəkkür edib:

“Nəhayət ki, klipimizin təqdimatını keçirtmək, eləcə də youtube kanalımıza yerləşdirmək istəyirik. Əslində klip çoxdan çəkilib, sadəcə montaj işləri və obrazlar çox olduğundan seçim etmişik ki, hansı obraz daha uyğundur. Sevənlərim məni fərqli obrazlarda görəcəklər, hətta elə obrazlar var ki, onları özüm seçmədim. Ümid edirəm ki, tamaşaçılarımız bəyənəcək. Onu da deyim ki, klipdəki obrazlar üzərində Nərmin İbrahimova çalışıb, çox uğurlu alınıb. Klipin ən çətin məqamları mənim menecerim Aysu xanımın üzərinə düşdü, bütün montaj işini ona həvalə etdim. Ancaq o bilir ki, mən özümü necə görmək istəyirəm, onun işinə müdaxilə etdiyimə görə onunla işləmək mənə rahatdır. Montajda Emin Muradovun da əziyyətləri var. Bütün komandadan razıyam, zövqlü iş gördülər. Yanımda hər zaman olan mənim böyük bacım Sara xanıma da minnətdaram, onsuz klip alınmazdı, çünki iş çox çətin idi”. 

Qeyd edək ki, “Sənə” adlı mahnının sözləri və musiqisi bəstəkar-müğənni Murad Arifə, aranjimanı isə Nadir Nəğdpula məxsusdur.