Humay Qədimova: “Elə böyük sevgi yaşadıb getmisən ki, yerini tutan yoxdur” – foto

İfaçı Humay Qədimovanın sosial şəbəkədəki paylaşımı izləyicilərini kədərləndirib.

Muztv.az xəbər verir ki, Humay İnstagram hesabında anası ilə fotosunu bölüşərək onun yoxluğunu hələ də qəbul etmədiyini dilə gətirib:

“Əvəzsizim. İyun ayı mənə acıları yaşadan aydır, çünki səni itirdim, səndən başqa heç kim məni sənin kimi sevə bilməz. Elə böyük sevgi yaşadıb getmisən ki, yerini tutan yoxdur, çünki sən Anasan, həyat məktəbim oldun. Mənə hamının dürüst və ədalətli olmadığını, itirməyi, həm də qazanmaqdan həzz almağı, həyatda səhv olmağın hiylə gəlməkdən daha şərəfli olduğunu, öz yolumla getməyi, kədərləndiyim zaman gülməyi bacarmağı, ağlamağın utancverici bir şey olmadığını, dimdik ayaqda qalxıb mübarizə aparmağı öyrətdin. Mənə verdiyin bu tərbiyə üçün çox sağ ol, ana. Bundan sonra nə cənnəti, nə də cəhənnəmi görmək istəyirəm, çünki mən anamı güləndə də, ağlayanda da gördüm. Allah sənə rəhmət eləsin. Amin”.