"Ərimlə dost ola bilməzsən" desə də, onu "Maşın"dan uzaqlaşdıra bilmədi

"M Group Production"un təşkilati dəstəyi ilə ATV telekanalında yayımlanan "Maşın" şounun növbəti qurbanı məlum olub.

Muztv.az xəbər verir ki, bu gün yarışmanı 32.18% səslə müğənni Təranə Qumral tərk edib. 

Hədəfinin Sərxan Kərəmoğlu olduğunu artıq 3 gündür ki, açıqlayan Təranə səsvermədə ona qalib gələ bilməyib.

"Mən heç Vüqar Vüqarlını da özüm rəqib bilmirdim, ona görə tamaşaçılardan "getsin"ə səs istəmədim, sadəcə o nədənsə mənim səmimiyyətimə inanmadı. Demişdim ki, mən tribunaya çıxsam, ya Təranə Qumral, ya da ki, Aqil M. Quliyevlə mübarizə aparacağam və bunu eşidən kimi Təranə Vüqar üçün səs istədi. Mən xanımlarla mübarizə aparacaq səviyyəyə düşmərəm, mübarizə apardığım xanımlar isə əfsanələr olublar. Təranə heç mənim anam, bacım da deyil, ola da bilməz" deyən Sərxan Kərəmoğlu artıq ikinci dəfədir ki, yüksək səs faizi ilə ona qarşı çıxan iştirakçını oyundan uzaqlaşdırıb.

Xatırladaq ki, oyun ərzində verilişin aparıcısı Murad Dadaşov Təranə Qumraldan fikrini dəyişməyi desə də, oyunda ona qarşı oyun qurulduğuna inandırmağa çalışsa da, o qərarında israrlı olub, nəticədə isə heç özü də səs toplaya bilməyib oyunu tərk edib. 

Qeyd edək ki, "Maşın" şou tək xanım Oksana Rəsulova olmaqla 8 iştirakçı ilə davam edir.

Şou hər gün saat 22:00-da ATV telekanalında efirə çıxır.