Məleykə Əsədova: "Allahdan qorxun, məni bu pilləyə siz çatdırmamısınız" - foto

Xalq artisti, aktrisa Məleykə Əsədova şəxsi hesabında Nurəddin Mehdixanlı ilə birgə fotosunu bölüşərək ismarış göndərib.

Muztv.az xəbər verir ki, aktrisa onun uğurlarını həzm edə bilməyənlərə səslənib:

"Bu gün E. Əfəndiyevin "Cəhənnəm sakinləri" tamaşasının ilk baxışı oldu, hər kəsi təbrik edirəm. Bu gün səhnədə çox çətin, məsuliyyətli bir obraza imza atdım. Təbii ki, sevinənlər daha çoxdur, sevinməyən, qısqananlar isə neçə gündür ki, əl-ayaqdadırlar. Şəkillərimi eybəcər hala salıb sosial şəbəkədə yayırlar, bəzi saytlarda sənəti olmayan dırnaqarası jurnalistlər isə reytinq toplamaq xətrinə həmin fotoları yaymaqla məşğuldurlar. Allahdan qorxun, məni bu zirvəyə siz çatdırmamısınız. Mənim şans yollarımı, istedadımı Allah verib. Allaha qarşı gələn insanlara elə Allah qənim olsun. Gözəllik qalıcı deyil, ay yazıqlar, amma insani keyfiyyətlərimizi itirməyək. Mən belə insanlara gülürəm, Allahın izni ilə həmişə də var olacam. Pislik etməyin, paxıllıqdan uzaq olun, həyatı, Allahı sevin, bax onda görəcəksiniz ki, yaşınız artıqca siz də gözəlləşəcəksiniz".