Murad Arif uşaqlıq fotosunu paylaşdı – foto

Bəstəkar-müğənni Murad Arid uşaqlıq fotosunu sosial şəbəkədə paylaşıb.

Muztv.az xəbər verir ki, o, “Facebook”da bölüşdüyü həmin şəkli ilə izləyicilərinə “Nə qədər vaxtınız var?”, ”Vaxtınızı nəyə sərf edirsiniz?” sualını ünvanlayıb:

“Nə qədər vaxtınız var təəccüblənməyin, həqiqətən mənə təxminləriniz maraqlıdır. Nə düşünürsünüz bu barədə? Məsələn, yeni bir günə başladınız... Necə keçəcək gününüz? Planlaşdırmısınız? İş? Evin təmizliyi? İmtahan? Rayona gedirsiniz? Yoxsa səyahət? Həyatınızı arzuları dadmadan xərcləmək ləzzət edir? İstədiyini etmədən, demədən, geyinmədən, yaşamadan, almadan, öyrənmədən, dəyişmədən yaşamaq sizə nə verir? Mənə maraqlıdır ki, siz azərbaycanlılar, arzunuzu xatırlayırsınız? Yoxsa, uşaqlıqda oynatdığınız nimdaş "mişka" kimi tozlu dolabın arxasına tullamısınız? Bağışlamağı və ya üzr istəməyi, necə? Çatdırırsınız? Bəlkə sabah, kiməsə yazasınız, zəng edəsiniz, içinizdəki inciklikdən qurtulasınız və ya sizi sıxan vicdanınızı rahat edəsiniz? Yoxsa, düşünürsünüz ki, hələ vaxtı deyil, hə?
O zaman bircə sualıma cavab verin. Nə qədər vaxtınız var?”