Hüsniyyə Mürvətova: “Azərbaycanda 5 istedadlı aktrisa varsa, onlardan biri də mənəm”

Əməkdar artist Hüsniyyə Mürvətova sosial şəbəkə vasitəsilə bəzi haqsızlıqara dilə gəlib.

Muztv.az xəbər verir ki, aktrisa türkiyəli məşhurlar Burak Özçivit və Fahriye Evcenin toyunu misal gətirərək bəzi məsələlərdən gileylənib:

“Neçə gündür türk aktyor və aktrisanın toy mərasimindən danışılır – çox bahalı geyimlər və dəbdəbəli məclis. Nəzərinizə çatdırım ki, onlar bunu öz qazandıqları qonorarları ilə ediblər. Nə gözəl Allah həmişə var etsin. Biz isə adi tamaşaçı kimi kənardan baxan oluruq. Biz aktyorlar üçün o cür toy, onların yaşadıqları ev, getdikləri bal ayı, istirahətlər yalnız xəyal ola bilər. Sual yaranır niyə? Mənim nəyim əskikdir? Görünüşüm? Şükür görünüşümdən şikayətim yoxdur. İstedadım? Azərbaycanda 5 istedadlı aktrisa varsa, onun biri mənəm. Bəs nəyim? Niyə mən o dəbdəbəli həyatı yaşamayım? Niyə mən 17 yaşlı oğlumu hələ də atamın evində böyüdürəm? Axı mən 17 yaşımdan bu sənətlə nəfəs alıram. Öz zəhmətimlə çırpınıram. Axı ömür gedie. Bəs mənim haqqımı kimlər yeyir?” deyə aktrisa "Facebook" səhifəsində yazıb.