Elçin Cəfərova ev hədiyyə olunubmu?

Müğənni Elçin Cəfərov qayınatası, deputat Sabir Rüstəmxanlının ona ev hədiyyə etməsi ilə bağlı xəbərlərə münasibət bildirib.

Mtv.az xəbər verir ki, o, belə bir hadisənin yaşanmadığını deyib: "Allah bütün böyüklərimizi qorusun: atamı da, qayınatamı da, anamı da, qayınanamı da. Belə bir şey yoxdur".

İfaçı daha sonra avtomobillərini nümayiş etdirməyi sevmədiyini bildirib: "Öz maşınlarımla şəkil çəkdirməyi sevmirəm. Neçə il əvvəl özümə ad günümdə avtomobil hədiyyə etmişdim. Onda şəkli çəkilib yayılmışdı. Maşınları göstərməyi xoşlamıram".

Xatırladaq ki, Elçin S.Rüstəmxanlının qızı Aydanla ailəlidir. Cütlüyün Can adlı oğlu var.