Mina Hüseyn “Maşın şou"dan yazdı

“Maşın” şoudan bir neçə gün əvvəl çıxan müğənni Mina Hüseyn sosial media hesabında oyunla bağlı təəssuratlarını bölüşüb.

Mtv.az xəbər verir ki, Mina iştirakçıların onu kənarlaşdırmasını istəmədiyi üçün özünün getdiyini deyib: “Maşın” şou mənim üçün çox önəmli, reytinqli yarışma idi. Lakin mən hörmətli insanlar kimi tərk etmək istədim və heç bir qruplaşmada yox idim. Tək mübarizə aparırdım. Çox çətin idi. Demək olar ki, hamı mənim çıxmağımı istəyirdi. Bəlkə də ən güclü rəqib mən idim buna görə. Sizin dəstəyinizlə səs topladım və getdim. Siz olmasanız, bəlkə də məyus olaraq çıxardım. Kimsə yarışmadan məni çıxarsa, bu mənə lap pis təsir edərdi. Mənə yazırlar ki, göndərilən səslər boşa getdi. Xeyr, onların hər biri sizin sevginiz idi. Mən oyundan kimisə uzaqlaşdırsam, yenə məni hansı yolla olur olsun çıxarardılar. Bu zövqü heç kimə yaşatmadım”.

Mina həmçinin oyunu qorxduğu üçün tərk etdiyini deyənlərə də səslənib: “Qorxaq olsam, qruplaşmada olardım.  Bəs məni çıxarsalar, səs toplamayıb getsəm, xoş olardı? Məncə yerində və düzgün addım idi”.

Xatırladaq ki, M.Hüseyn səs toplasa da, yarışmadan heç kimi kənarlaşdırmamışdı və özü çıxmışdı.