Tacir Şahmalıoğlu gəlinləri ilə yol getmir

Müğənni Tacir Şahmalıoğlu 3 il əvvəl dünyasını dəyişən qardaşının övladlarını görə bilmir. 

Mtv.az xəbər verir ki, o, gəlinlərinin uşaqları qaçırdığını deyib.

Müğənni  "Dörd aydır qardaşın uşaqlarını görə bilirsinizmi" sualına belə cavab verib: "Gəlin uşaqları məndən qaçırdıb. Ona heç nə etməmişəm. Mənim kimi qayınana heç harda yoxdur. Uşaqlar da ki, mənim can-ciyərlərimdir". 

Verilişin yaradıcı heyəti gəlinlə əlaqə saxlayıb. O isə Tacirdən maddi və mənəvi dəstək almadıqlarını bildirib, yalan danışdıqlarını deyib.
 
Tacir isə gəlinin sözlərinə belə münasibət bildirib: "Hər bir ailədə mübahisə olur. Mən hər vaxt o uşaqların arxasında dayanacam. O, uşaqları göstərsə də, göstərməsə də. Mən bilirəm ki, o uşaqlar böyüyəndən sonra əmisinə ehtiyacları olacaq. İmkan olduqca biz 3 qardaş heç öz balalarımıza etmədiklərimizi onlara etmişik və edəcəyik də. Amma lənət şeytana ... Bu, çox belə çəkməz. O da bunu başa düşəcək. Mən onu da başa düşürəm. O insanın ailəsi dağılıb da. O durduğu yerdə uşaqlarının atasını, evinin başçısını itirdi".
 
Xatırladaq ki, müğənninin qardaşı Mahir Allahverdiyev dənizdə boğularaq dünyasını dəyişib.