Brilliant Dadaşova mənfi rəylərə cavab verdi

Xalq artisti Brilliant Dadaşova sosial şəbəkədə ona yazılan mənfi rəylərə münasibət bildirib.

Mtv.az xəbər verir ki, müğənni ona tənqid yazan izləyicilərini kartof adlandırıb: "Bunlara çox gülürəm. Bir uşaq şəklinə, xoşum gələn nəyəsə rəy yazıram. Mənə tənqid yazanlar bəyənənlərdir. Yazırsa, demək çox xoşuna gəlir. Kartofu, kökü kiloqramla satırlar. Amma brilyantı tək alırsan. Kiloqramla satılanlar da, tək satılanlar da var".

İfaçı formada qalma sirlərini izləyiciləri ilə bölüşəcəyini bildirib: "Özəl heç nə etmirəm. Bu yaxınlarda nə yeyib, nə içdiyimi İnstaqrama qoymağa. Xanımlar çox yazırlar. Bilmirəım, yerinə yetirəcəklər, ya yox. Gözəllik nisbidir. Gözəl insan hər şeyi də gözəl görür".

Xatırladaq ki, Dadaşova bir müddət əvvəl qısa ətəkdə fotolarını paylaşmış və tənqid edilmişdi.