Mətanət Əsədova ərə gedirmi?

Müğənni Mətanət Əsədova son günlər qatıldığı verilişlərdəki açıqlamaları ilə diqqət çəkib. 

Mtv.az xəbər verir ki, son günlər ən çox müzakirə edilən mövzu onun ərə getməyə hazırlaşmasıdır. Belə ki, Əsədova verilişlərin birində sevgili tapdığını, yaxın günlərdə toy olacağını açıqlamışdı: "Elə bir ovçu çıxdı ki... Efiri sevmir, heç vaxt görünməyəcək. Yeni mahnımı da ona həsr etmişəm. Hər şeyini yarımçıq qoyub mən olan efirə baxır ki, ürəyi nə edir. Həyatıma gəldi, gözlənilməz eşq oldu. Toy yəqin mən edəcəm. Özüm üçün toy edəcəm. İnşallah, bununla ömürlük olsun. Biz ikimiz də doyulmaz dadıq. Onun adını çəkməkdən qorxuram. Gedib cadu edərlər. Bu şou-biznesdə o qədər cadu edənlər var ki..." 

Digər bir verilişdə qatılan müğənni yaxın günlərdə ailə quracağını söyləsə də, onun yalançı toy açıqlamalarının üstü açılıb. O, həyatında heç kimin olmadığını, toy etməyəcəyini, tək olduğunu deyib: "Hamısı yalandır, boşdur. Deyirəm ki, qarşıma çıxan tez çürüyən çin saqqızıdır. Olmayacaq... Mən bir kərə sevildim, o da getdi".