Sevil və Sevinc yeni kliplərindən söz açdılar

Müğənnilər Sevil və Sevinc Səfərovalar tədbirlərin birində görüntüləniblər.

Mtv.az xəbər verir ki, “Evlisən” adlı yeni klipləri barədə danışan ifaçılar ekran işində ikinci dəfə aktrisa Nərgiz Əliyevanın rol aldığını bildiriblər.

Onlar deyiblər ki, oxuyacaqları mahnı və klip ümumilikdə sifarişlidir: “Mahnını sifarişlə oxumuşuq. Həmçinin, klipdə Dj Roşkanın, Nərgiz Əliyevanın da çəkilməsinin səbəbi budur. Pulları ödəndiyi üçün klipimizə çəkildilər. Çünki onların və bütövlükdə qonorarın hamısını bir xanım ödəyir. Ona görə də, biz heç nəyə qarışmamışıq”.

Xatırladaq ki, Sevil və Sevinc bundan əvvəl "Dərdin nədir"də Nərgizi, "Mashup"da isə Roşkanı çəkiblər.