Roza Zərgərli xalq artistinin taxtına göz dikib

Müğənni Roza Zərgərli mərhum xalq artisti İlhamə Quliyevanın taxtına namizəd olub. 

Mtv.az xəbər verir ki, onun sözlərinə görə, İ.Quliyeva sağlığında onu özünə oxşadırmış: "Bir dəfə dedi ki, sən də mənim cavanlığıma oxşayırsan. Bizim sözlərimiz də bir-birinə bənzəyir. İlhamə xanım kamera önündə hər şeyi dediyi kimi idarə edirdi. Mən də çox yaxşı idarə edirəm. Bir oğul yoxdur, mənim sözümün qabağında söz desin".
 
Onun bu fikrinə həmkarları da biganə qalmayıblar.

Nadir Qafarzadə deyib: "Rozanın dili varsa, dilçəyi də var. Bilir kimə İlhaməlik edəcək". 

Elza Seyidcahan isə Rozaya belə məsləhət verib: "Heç kimə arzulamıram ki, o, taxtda otursun. O, yaxşı taxt deyil. O taxta getsən, məhv olarsan, otur öz yerində". 

Elvin Abdullayev bildirib ki, Roza Zərgərlidə hökmranlıq, tələbkarlıq var.