Nəzakət Teymurova plastik əməliyyat etdirməyib - foto

Xalq artisti Nəzakət Teymurova plastik müdaxilə etdirməyib.

Mtv.az xəbər verir ki, xarici görünüşündəki dəyişikliklərlə bağlı açıqlama verib.

O bildirib: "Son günlər görünüşümün dəyişməsi səbəbsizdir. Hər qadın özünə baxmalıdır. Stilim üzərində Elnur Həsənov çalışır. Plastik əməliyyata normal baxıram, amma etdirməmişəm. Ehtiyac olsa, gələcəkdə mən də etdirərəm. Sənət adamları baxımlı olmalı, hər zaman gözəl görünməlidir. Tamaşaçı qarşısında estetik tərəfdən çox gözəl olmalıyıq".

Xanəndə "Estrada müğənniləri tez-tez qalmaqallarla gündəmə gəlir. Muğam ifaçıları arasında isə çox nadir hallarda mübahisəyə rast gəlinir" sözlərinə belə cavab verib: "Muğam aləmində də qalmaqallar, oyunlar mövcuddur. Sadəcə, biz onu gündəmə gətirmirik. Eyib olan hallar var. Biz bunları efirə çıxarmırıq. Bizim aləmdə hər şey pərdəarxasında yaşanır. Bu, belə olmalıdır. Sənətkar başını aşağı salıb işləməlidir. Gündəmə isə yalnız layihələrlə gəlməlidir".