“Zima-2019”da 11 yaşlı Atillanın uğuru - foto
Heydər Əliyev Sarayında “Beat Group” şirkətinin təşkilatçılığı və Mədəniyyət Nazirliyinin dəstəyi ilə keçirilən növbəti “Zima-2019” Beynəlxalq Uşaq Festivalının qala-konserti böyük coşqu ilə qarşılanıb. Bu il festivalda iştirak etmək üçün 110 uşaq müraciət edib və təşkilat komitəsi onların arasından 20 ən yaxşı ifaçını seçib. Bu 20-likdə yer alanlardan biri də 11 yaşlı ifaçı Atilla Qəribli olub.
Mtv.az xəbər verir ki, festivalda Atilla Qəribli “Luna tu” mahnısı ilə çıxış edib. Ən maraqlısı isə budur ki, Atilla internet səhifəsində çıxışının videosunu paylaşdıqdan sonra mahnının ifaçısı dünya şöhrətli opera və estrada ulduzu Alessandro Safina onun videosunun altından “Bravo, much better than me” yazaraq həmvətənimizə dəstək olub. Onun ifasını çox bəyəndiyini bildirib. Hətta Atillanın ifasını özünün “Instagram” səhifəsinin hekayə bölümündə də paylaşıb. Bu, bəlkə də 11 yaşlı ifaçının gələcək uğurlarına bir işarədir.
Xatırladaq ki, Bakıdakı 132-134 nömrəli məktəbdə oxuyan Atilla Qəribli, eyni zamanda, Tofiq Quliyev adına 12 nömrəli musiqi məktəbində fortepiano təhsili alır. Həmçinin Xalq artisti Fidan Hacıyevanın məktəbində vokal dərsləri keçir. Klassik mahnıları çox sevir. O, Mədəniyyət Nazirliyinin dəstəyi ilə keçirilən xarici münsiflərin də iştirak etdiyi “World Harmony” beynəlxalq müsabiqədə iştirak edib və laureat olub. İnanırıq ki, hələ qarşıda Atillanı çox böyük uğurlar gözləyir.
Mtv.az xəbər verir ki, festivalda Atilla Qəribli “Luna tu” mahnısı ilə çıxış edib. Ən maraqlısı isə budur ki, Atilla internet səhifəsində çıxışının videosunu paylaşdıqdan sonra mahnının ifaçısı dünya şöhrətli opera və estrada ulduzu Alessandro Safina onun videosunun altından “Bravo, much better than me” yazaraq həmvətənimizə dəstək olub. Onun ifasını çox bəyəndiyini bildirib. Hətta Atillanın ifasını özünün “Instagram” səhifəsinin hekayə bölümündə də paylaşıb. Bu, bəlkə də 11 yaşlı ifaçının gələcək uğurlarına bir işarədir.
Xatırladaq ki, Bakıdakı 132-134 nömrəli məktəbdə oxuyan Atilla Qəribli, eyni zamanda, Tofiq Quliyev adına 12 nömrəli musiqi məktəbində fortepiano təhsili alır. Həmçinin Xalq artisti Fidan Hacıyevanın məktəbində vokal dərsləri keçir. Klassik mahnıları çox sevir. O, Mədəniyyət Nazirliyinin dəstəyi ilə keçirilən xarici münsiflərin də iştirak etdiyi “World Harmony” beynəlxalq müsabiqədə iştirak edib və laureat olub. İnanırıq ki, hələ qarşıda Atillanı çox böyük uğurlar gözləyir.