"Qızımın "hə"sini Arif Babayev verdi" - Aybəniz Haşımova

Əməkdar artist Aybəniz Haşımova müğənni qızı Aynişan Quliyevanın nişanlanmasından bəhs edib.

Mtv.az xəbər verir ki, o, qızının sevgilisi olduğundan yeni xəbər tutduğunu deyib: "Nişan qəfil oldu. Konsert ərəfəsi idi, Aynişan mənə demirmiş. On günün içində bildim ki, qızımın belə fikri var. Konsertdən sonra Aynişan cürət etdi və mənə dedi. Onun dediyi sözə böyük hörmətim var. Qızımın "hə"sini Arif Babayev verdi. Arif müəllim məni Bakıda tərbiyə edən insandır, ata əvəzimdir. Aynişan balaca olandan deyirdi ki, onun "hə"sini mən verəcəm. Onu da etməliydim. Kürəkənim Ağcəbədidəndir. Hər zaman deyirdim ki, var-dövlət arxasınca qaçan olmamışam. İstəyim qarşımdakı insanın sədaqətli olmasıdır. Övladımın da bəxtinə belə bir ailə qismət oldu. Allah məni də onların qarşısında utandırmasın. Onun övladıma olan sevgisi hər şeydən üstündür. Bir də Xalidin qızının adını tutan mütləq əsgərlikdə olmalıdır. Ailə qurduqdan sonra ayrı yaşayacaqlar. Mənimlə yaşamalarına icazə vermərəm".

Bu arada ötən günlərdə nişanı baş tutan aktrisa Aynişan Quliyevanın toy tarixi dəqiqləşib.

Kənan Əliyev adlı fitness məşqçi ilə nişanlanan sənətçinin toyu fevralda baş tutacaq.

Xatırladaq ki, A.Quliyeva Əməkdar artist Aybəniz Haşımovanın qızıdır.