Firuzə İbadova toyu yarımçıq tərk edib?
Mtv.az xəbər verir ki, bir neçə gün əvvəl qızı Aynişan Quliyevaya toy edən Haşımova həmkarının xətrinə dəyib. Nəticədə, İbadova toyu yarımçıq tərk edib. Belə ki, müğənni toya gecikdiyi üçün A.Haşımova ondan incidiyini vurğulayıb. Bu isə F.İbadovanın xoşuna gəlməyib. O, həmkarının iradını qəbul etməyib.
Bəzi sənət dostlarının təkidi ilə şəkil çəkdirən müğənni toyda yalnız bir neçə dəqiqə oturub. İbadovanı şadlıq evinin dəhlizində gözləyən duet ortağı Cavanşir Məmmədov da toya qatılmayıb.
Onların toya gecikmə səbəbi isə başqa bir məclisdə iştirak etmələri olub.
Lakin Əməkdar artist Firuzə İbadova həmkarı Aybəniz Haşımovanın qızı Aynişanın toy məclisindən küsüb getməsi ilə bağlı xəbəri qəbul etməyib.
O bildirib ki, Haşımova ilə heç bir inciklikləri olmayıb: "Onlar mənim ailəm kimidir. Aynişan da gözümün qabağında böyüyüb. Aybəniz onu necə böyüdüb bilirəm. Xoşbəxt olsun. Bizim aramızda inciklik ola bilməz. Bu söz-söhbətin nədən qaynaqlandığını bilirəm. Ola bilsin ki, orada gözlədilər mənə söz verilsin, səhnəyə çıxım, mahnı oxuyum. Olmadığı üçün belə söhbət yayıldı. Aybəniz Haşımova ilə bacı kimiyik. Bir aydır xəstəyəm, indi də səsimdən bunu hiss edirsiniz. Soyuqlamışam. Toyda da başdan ayağa kimi otura bilmədim. Başqa bir inciklik yaşanmayıb".
Xatırladaq ki, Aynişan Kənan adlı fitnes müəllimi ilə ailə qurub. Cütlüyün oğlan toyu fevralın 8-də Ağcəbədidə olub.