"Qızım Bakıda karantində qalıb" - Əməkdar artist

Əməkdar artist Mətanət İsgəndərlinin qızı Ülkər həyat yoldaşının yanına qayıda bilmir.

Mtv.az xəbər verir ki, müğənni Türkiyəyə ərə verdiyi qızının Bakıda karantində qaldığını deyib:

"Yollar bağlanmazdan əvvəl gəlmişdi Bakıya. Sonra uçuşlar dayandırıldı. İndi Ülkər həyat yoldaşının yanına qayıda bilmir. Ürəyi partlayır. Deyirəm, heç elə bil bu evdə böyüməmisən, ananın yanındasan, niyə darıxırsan? Çox insan yarından ayrı düşüb, sərhədlər bağlanıb. Mənim qızım da... İnşahllah, tezliklə bəla üstümüzdən gedər, ayrı düşənlər görüşər. Mənim Ülkərim də yarına qovuşar".

Xatırladaq ki, Ülkər Engin adlı Türkiyə vətəndaşına ərə gedib.