Brilliant Dadaşova: “Hər il ad günümü səbirsizliklə gözləyirəm”

Bir neçə gün əvvəl yaşını qeyd edən xalq artisti Brilliant Dadaşova sosial şəbəkədə yeni fotosunu paylaşıb. 

    Bir neçə gün əvvəl yaşını qeyd edən xalq artisti Brilliant Dadaşova sosial şəbəkədə yeni fotosunu paylaşıb. Axşam.az-ın məlumatına görə, hədiyyələrinin şəklini yayan müğənni “Əziz dostlar, ad günümdəki bütün təbrikləriniz və ürək sözləriniz üçün sizə minnətdaram” sözlərini yazıb. Qeyd edək ki, B.Dadaşova açıqlamasında “Hər il ad günümü səbirsizliklə gözləyirəm. Güllər versinlər və mən onları ətrafıma yığıb şəkillər çəkdirim” deyə, bildirmişdi.

    Müğənni Elçin Cəfərov mərhum xalq artisti Məmmədbağır Bağırzadənin “Əhdini danmış” mahnısını oxuyub. Sözləri və musiqisi M.Bağırzadənin özünə aid olan bəstəni sənətçi yeni aranjimanda təqdim edib. E.Cəfərov mahnı ilə bağlı “Bəstəni bir az ritmik etmişəm. Maraqlı alınıb” sözlərini deyib.

    Müğənni Xəyyam Nisanov yeni mahnısını təqdim edib. Bu dəfə o, məşhur yunan mahnısının sözlərini rus dilinə tərcümə edərək səsləndirib. Xəyyam mahnı təklifinin ona Murad Arifdən gəldiyini bildirib: "Bu mahnını mənə musiqi prodüserim Murad Arif təklif etdi. Mahnıda hit olmaq üçün hər bir imkan var. İlk dinləyənlər dərhal rəqs etmək istədilər. Əminəm ki, tamaşaçılarım eyni hissləri yaşayacaqlar”. 

    Müğənni Xatun yeni fotosessiyasını təqdim edib. Şamaxıda çəkilən şəkillərin müəllifi Niko Abbasovdur. İfaçının stili üzərində qardaşı Balaş çalışıb.

 

Əhəd Miriyev

 

MuzTv.az