Beyons yeni klipini suyun altında çəkdirib

Müğənni Beyons yeni klipini təqdim edib. Axşam.az-ın məlumatına görə, "Runnin (Lose It All)" adlanan mahnının klipi suyun altında çəkilib. 

    Müğənni Beyons yeni klipini təqdim edib. Axşam.az-ın məlumatına görə, "Runnin (Lose It All)" adlanan mahnının klipi suyun altında çəkilib. Prodüser "Naughty Boy"un təqdim etdiyi videonu rejissor Çarli Robins çəkib. Beyons mahnını Errou Bencaminlə bir yerdə ifa edib.

    Qərb mediası aktrisa Cennifer Enistonun əkiz uşağa hamilə olması haqda xəbər yayıb. Castin Teru ilə bu yaxınlarda nikahını rəsmiləşdirən 46 yaşlı aktrisanın bal ayından sonra kökəlməsi bu şayiələrin yayılmasına səbəb olub. Nüfuzlu "OK" jurnalının ABŞ variantı da bu xəbəri israrla təsdiqləyir. Dərgidə Cenniferin yaxınlarına çəkisini ata bilməməsi barədə şikayət etdiyini də yazıb. Digər xəbər isə Enistonun övladlığa uşaq götürəcəyi ilə bağlıdır. Lakin Castin və Cennifer öz uşaqlarını dünyaya gətirmək istədiklərini daha öncə də qeyd etmişdilər.

    "Möhtəşəm yüz il: Təşhir-i İhtişam" sərgisi bu dəfə Qətərdə nümayiş olunub. Yayımlandığı bütün ölkələrdə rekord qıran "Möhtəşəm yüz il" serialının baş rol ifaçıları Halit Ergenç, Selma Ergeç və Okan Yalabık da mərasimdə iştirak edib.  Sərgidə serialın çəkilişində istifadə olunan dekorasiyalar, aktyorların heykəlləri, kostyumlar və saraydakı otaqlar şəklində hazırlanmış bölmələr izləyicilərin xoşuna gəlib. Pulsuz sərgi dekabrın 12-nə qədər davam edəcək.

     Müğənni Halil Sezai sevgilisi Zəhra Kaya ilə keçən ay gizlincə evlənmişdi. "İsyan" mahnısı ilə məşhurlaşan Sezai Zəhra ilə keçən ay Bodrumda evlənmək qərarına gəlmişdi. Avqustun 23-də cütlüyün yaxın dostları və ailəsinin iştirak etdiyi nikah mərasimi baş tutub. Onların nikah şahidləri aktyor Gürkan Uyqun və həyat yoldaşı Şəbnəm Uyqun olublar. Cütlük evləndikdən sonra bal ayını da Bodrumda keçirib. Ancaq Sezai və Kayanın xoşbəxtliyi qısa sürüb. Anlaşa bilməyən cütlük 15 gün sonra boşanıb. Tərəflər razılığa gələrək problemsiz ayrılıblar.

 

Əhəd Miriyev

 

MuzTv.az