Ədalət Şükürov: “7-8 ildir toy qiymətini dəyişmirəm”

Əməkdar artist Ədalət Şükürov toy qiymətini qaldıran həmkarlarından danışıb. 

    Əməkdar artist Ədalət Şükürov toy qiymətini qaldıran həmkarlarından danışıb. Axşam.az-ın məlumatına görə, müğənni bunun tərəfdarı olmadığını bildirib: "Hər bir insan istəyir ki, öz toyunda tanınmış müğənni görsün. Elə bir ifaçı yoxdur ki, toylara getməsin. Hamı elə düşünür ki, ilboyu işləyirik. Amma biz ilin cəmi 6 ayını çalışırıq. Çünki Məhərrəmlik, Ramazan, may ayında toy edilmir. Bilal Əliyevlə dəfələrlə xarici ölkələrdə tədbirdə olmuşuq. Toy qiymətini qaldırması onun şəxsi işidir. Ədalət Şükürov 7-8 ildir toy qiymətini dəyişmir. Mən hər şeyi nəzərə alıram: insanın imkanı var və ya yoxdur. Ayda 15 toya gediriksə, onun beşi pulsuzdur. Mən şəxsən qiymət qaldırmaq tərəfdarı deyiləm. Qaldırmayacam da".

    Müğənni Könül Kərimova övladına toy edəcək. İfaçı bu haqda açıqlamasında deyib:"Bir-birini özləri bəyənib, sevib. Qızımın xeyir işinə çox az qalıb. Hələ nişan olmayıb. Amma elçilik, "həri" mərasimi baş tutub. Tam mən istəyən kimi kürəkənim var. Tərbiyəsi, dünyagörüşü, özünü aparması ürəyimcədir. İstədiyim xüsusiyyətlərin hamısını onda tapdım. Qız köçürmək çox çətindir. İllərcə övladı böyüdürsən, sonra evdən gedir. Ən böyük arzum cavan nənə olmaqdır".

   Meyxanaçı Namiq Qaraçuxurlu özünə qadağa qoyub. Sənətçi açıqlamasında şəxsi həyatı ilə bağlı bundan sonra heç vaxt danışmayacağını bildirib: "Şəxsi həyatımdan çox danışdım. Ona görə də şayiələr yayıldı. Kim nə gəldi danışır. Özümə qadağa qoymuşam. Nə sual verirlərsə, cavab verməyəcəm. Dilim çürüməsin, toyqabağı həvəsləndirdilər başladım danışmağa. Nəticəsi pis olur.".

    Azərbaycanlı prodüser Tolik (Tarix Əliyev) Mərdəkanda ev tikdirir. Prodüser artıq evlənməyə hazır olduğunu bildirib: “Allah hamının ürəyinə görə versin. Mənim də balaca dünyam var. İnşallah, evim iki aya hazır olacaq. Qaldı bircə evlənmək. Ev, maşın, bağ var, görüm, qismətimə kim çıxacaq". Qeyd edək ki, bu ilin iyununda 36 yaşını qeyd edən prodüser bir dəfə ailəli olub.

 

Əhəd Miriyev

 

MuzTv.az