Üzeyir Hacıbəylinin 130 illik yubileyinə həsr olunmuş konsert proqramı keçirildi

Heydər Əliyev Sarayında dahi sənətkar Üzeyir Hacıbəylinin 130 illik yubileyinə həsr olunmuş konsert proqramı keçirilib. 

   Heydər Əliyev Sarayında dahi sənətkar Üzeyir Hacıbəylinin 130 illik yubileyinə həsr olunmuş konsert proqramı keçirilib. Milli Musiqi Günündə reallaşan gecədən öncə müsahibə verən Bəstəkarlar İttifaqinin sədri, xalq artisti Firəngiz Əlizadə Üzeyir Hacıbəylinin Azərbaycan müsiqisinə verdiyi töhfələrdən danışıb. Azərbaycan musiqi mədəniyyətinin klassiki, Şərqdə ilk operanın banisi Üzeyir Hacıbəylinin yubiley mərasiminə təşrif buyuranlar arasında incəsənət xadimləri də yer alıb.

   Tədbiri giriş sözü ilə mədəniyyət və turizm nazirinin müavini Ədalət Vəliyev açaraq Üzeyir Hacıbəylinin həyat və fəaliyyətindən danışıb.Daha sonra tədbirdə dahi bəstəkar Üzeyir Hacıbəylinin ölməz musiqiləri səsləndirilib. Qeyd edək ki, 1995-ci ildən ümummilli lider Heydər Əliyevin fərmanı ilə 18 sentyabr Milli Musiqi Günü kimi qeyd olunur.

 

Sevda Məmmədova

Elfaq Lələyev

 

Muz-Tv.az