Zamiq Hüseynov xalq artisti ilə duet oxudu
Xalq artisti Brilliant Dadaşova ilə müğənni Zamiq Hüseynov duet oxuyub.
Xalq artisti Brilliant Dadaşova ilə müğənni Zamiq Hüseynov duet oxuyub. Axşam.az-ın məlumatına görə, Z.Hüseynov bu haqda açıqlamasında deyib:“Mahnını bir il bundan əvvəl oxumuşuq. Sadəcə, bəzi məqamlar xoşumuza gəlmirdi. Gah o, dəyişirdi, gah da mən. Nəhayət, təqdim edə bildik. Köhnə bir fransız mahnısıdır. Yeni aranjiman etdirmişik. Ajda Pekkan da bu bəstəni səsləndirib. Sözlərini dəyişib, Azərbaycan dilinə çevirdik. Mahnı "Sevgilim" adlanır. Brilliant Dadaşova dünyalar qədər sevdiyim bir ifaçıdır".
Müğənni İzzət Bağırzadə “Bir roman yazaq” adlı mahnısına çəkdirdiyi klipini təqdim edib. Bəstənin sözləri Validə Bağırovaya, musiqisi Zamiq Qasımova məxsusdur. Ekran işinin rejissoru Pərviz Oktayoğlu, prodüseri Rauf Sahiboğludur.
Müğənni Aysel Əlizadə haqqında yayılan şayiələrə son qoyub.İfaçı açıqlamasında sevgilisindən ayrılması xəbərinə aydınlıq gətirib: “Bir ara məni ərə verdilər, sonra boşandırdılar, ana etdilər. Mən sevgilim haqda heç vaxt açıqlama verməmişəm. Şəxsi həyat gizli qalmalıdır. Güclü insanam, depressiyaya düşsəm də, bu uzun çəkmir. Əkizlər bürcünün adamları depressiyada olanda başqalarına hiss etdirmirlər. Mən həmin an daha güclü oluram. Kiməsə aciz görsənmək istəmirəm. Daxildə çox yıxılıram. Yaxınlarım nə vəziyyətdə olduğumu bilir. Pis günümü diləyənlər, gözü götürməyənlər çoxdur. Onlar heç vaxt məni gözüyaşlı görməyəcəklər”.
"The Best Model Of Azerbaijan 2006"nın qalibi Rüstəm Cəbrayılov model biznesindən gedir. Model bundan sonra aktyorluq edəcəyini bildirib:“11 ildir modellik edirəm. Dünyanın çox ölkəsində podiuma çıxmışam. İstəyirəm modellikdən uzaqlaşım. Yaşlanma prosesi gedir. Bundan sonra aktyorluq edəcəm. Elə sahəni seçmək istədim ki, ömrümün axırına qədər işimin davamı, qazanc yerim olsun. Aktyor təhsili alıram. Bu işi öyrənəndən sonra Türkiyədə filmə çəkiləcəm. İstəyirdim Azərbaycanda aktyorluq edim. Amma gördüm ki, bizdə bu sahə inkişaf etməyib”.
Əhəd Miriyev
MuzTv.az