İncəsənət xadimləri Qurban bayrami münasibəti ilə xalqı təbrik etdi
Bayram münasibəti ilə xalqımızı təbrik edən şou-biznes nümayəndələri bayramı necə keçirəcəkləri haqqında açıqlama veribər.
Bayram münasibəti ilə xalqımızı təbrik edən şou-biznes nümayəndələri bayramı necə keçirəcəkləri haqqında açıqlama veribər. Onlar bu bayramda kimsəsizlərə, əllilərə kömək edəcəklərini, bunu bir müsəlman kimi özlərinə borc bildiklərini söyləyiblər. Xalq artisti, xanəndə Mənsum İbrahimov dünyada yaşayan bütün azərbaycanlıları bayram münasibəti ilə ürəkdən təbrik edib: "Allah kəsiləcək bütün qurbanları qəbul etsin! İnşallah, torpaqlarımız azad olar, qaçqınlarımız yenidən öz torpaqlarına qayıdarlar. Ölkəmizə əmin-amanlıq arzulayıram. Xalqımız hər zaman gözəl günlər görüb xoşbəxt olsun.. Mən nəinki Qurban bayramında, ad günlərində də qurban kəsirəm. Biz tez-tez qurban kəsirik. Bayramda isə kimsəsizlərə, əlillərə, uşaq evlərinə paylayırıq. Bu, ata-babalarımızdan bizə qalan gözəl ənənədir. Xalq artisti Gülyanaq Məmmədova bayram münasibəti ilə bütün dünya müsəlmanlarını təbrik edib: "Allah kəsiləcək qurbanları qəbul etsin. Bu mübarək bayram günlərində xalqımızın və dövlətimizin əmin-amanlığı naminə edilən duaların, kəsilən qurbanların Tanrı dərgahında qəbul olunmasını diləyirəm. Hərilki kimi biz də bu il qurban kəsəcəyik. Əməkdar artist Aybəniz Haşımova isə təbriklərini bildirərək bayramda ziyarətgahları gəzdiyini və getdiyi müqəddəs evlərdə qurbanlarını kəsdiyini bildirdi. Hər il Qurban bayramında öz qurbanımı kəsirəm. Bu il də qurbanımı ziyarətgahların birində kəsəcəm və kəsilən qurbanı kasıb insanlara paylayacam”.
Müğənni Röya Ayxan atası və bacısı ilə fotosunu paylaşıb. Axşam.az-ın məlumatına görə, sənətçi şəklə “Mənim atam, mənim bacım olduğunuz üçün Allahıma minnətdaram” sözlərini yazıb. R.Ayxanın bacısının başının bağlı olması da diqqətdən qaçmayıb.
Rəqqasə Oksana Rəsulova gəlinlik geyinib, sosial şəbəkədə şəkillərini paylaşıb. Publika.az xəbər verir ki, şəkillər "Brat Li" filminin çəkilişlərindəndir. Qeyd edək ki, filmin çəkilişləri, demək olar ki, bitib. Komediya janrında "Brat Li" adlı filmi azərbaycanlı ssenarist - rejissor Nicat Rzazadə çəkib. Baş rolda döyüş sənətləri üzrə dünyanın məşhur döyüş ustası və aktyoru Brüs Linin yalnız xarici görkəmcə deyil, həmçinin hərəkətləri ilə qüsursuz bənzəri olan 21 yaşlı Əfqanıstan vətəndaşı Abbas Əlizadə çəkilib.
Artıq adətə çevrilən Azərbaycan mahnıları oğurluğunun siyahısına biri də qoşulub. Geccə.az-ın məlumatına görə, bu dəfə türkmənistanlı müğənnilər Nazir Həbibov və Hayi Yazməmmədov bu addımı atıblar. Onlar Nuri Sərinləndiricinin "Gözləyirəm" adlı mahnısını ifa edərək mahnıya klip çəkdiriblər. Klipdə müəllifin adını qeyd etsələr də, əldə etdiyimiz məlumata görə, şəxsən icazə almayıblar və mahnı üçün qonorar da ödənilməyib. Qarşı tərəfin hüquqi tədbir görəcəyi gözlənilir. Hər iki tərəfin ifa etdiyi mahnını təqdim edirik.
Əhəd Miriyev
MuzTv.az