Ağadadaş Ağayev: “Siyasətə qoşulmaq istəyirəm”

Xalq artisti Ağadadaş Ağayev sənət adamlarının siyasətə meyl etməsindən danışıb. 

   Xalq artisti Ağadadaş Ağayev sənət adamlarının siyasətə meyl etməsindən danışıb. “Qafqazinfo”ya açıqlamasında xalq artisti gələcəkdə siyasətə qoşulmaq istədiyini deyib:“Sənət adamları da bu dövlətin vətəndaşlarıdır. Hər hansı müğənninin deputat olmaq istəyində qəbahət yoxdur. Onları dəstəkləyirəm. Hər an dövlətimizə xidmət etməyə hazıram. Sənət adamları özlərini ölkədə baş verən hadisələrdən kənarda tuta bilməzlər, siyasi proseslərə münasibət bildirməlidirlər. Bir neçə il sonra mən də siyasətə qoşulmaq istəyirəm”.

   Müğənni Röya Ayxan sürücüsü Yusifin toy mərasimində iştirak edib. Axşam.az-ın məlumatına görə, şəhər restoranlarından birində baş tutan toya müğənninin yaxın sənət dostları da qatılıb. Yusif Brilyant adlı xanımla ailə qurub.

   Müğənni Röya Ayxan öz İnstagram hesabında Abbas Bağırovla olan şəklini paylaşıb. Röyanın "mənim paxıl, qısqanc, sənəti danılmaz canım dostum, yaraşırıq da, qadan alım"  başlığı ilə paylaşdığı fotoya tez bir zamanda Abbasdan cavab gəlib: "Can, sən mənim canımsan. Səni necə qısqanmayım? Səni necə sevməyim? Sən axı Röyasan. Sən əvvəl də Röya olmusan, bu gün də Röyasan, sabah da Röya olaraq qalacağına əminəm. Çünki sən bu adı hər zaman qorumusan və hər zaman da bu adın hörmətini saxlamısan. Necə sevməyəsən bu adı, hə? Necə qısqanmayasan bu adı? Sən mənim çox sevdiyim, çox dəyər verdiyim, yerini bilən, çox hörmətli canımsan, əzizimsən, var ol, canım! Hər zaman belə gözəl ol, ürəyim".

   Rəqqasə Fatimə Fətəliyeva oğlunun 4 yaşını Mərdəkandakı bağ evində qeyd edib. Gecce.az xəbər verir ki, rəqqasənin rəhbərlik etdiyi gözəllik salonunda çalışanlar və digər işçiləri çal-çağırla bağ evinə gəliblər. Onlar gecə yarısına qədər əyləniblər. Fatimə mikrofonu götürüb, toy mahnıları səslənidirib, həyətdə qonaqları ilə qol qaldırıb oynayıb.

 

Əhəd Miriyev

 

MuzTv.az