“Bu şəhərdə”nin Çoşqunu: “Bilmirəm çörəyimizi hardan qazanacağıq”

“Bu şəhərdə” komandasının sevilən aktyorları Coşqun Rəhimov və Rafael  İsgəndərov baş tutacaq konsertdə parodiya edəcəkləri məşhurların adlarını açıqlayıb..

   “Bu şəhərdə” komandasının sevilən aktyorları Coşqun Rəhimov və Rafael  İsgəndərov baş tutacaq konsertdə parodiya edəcəkləri məşhurların adlarını açıqlayıb: “Konsertimizdə ənənəmizə sadiq qalaraq, verilişlərin aparıcılarını, müğənniləri və digər məşhurları parodiya edəcəyik. Bu dəfə isə oxumağa son qoyan Əli Mirəliyevi və rəqqasə Fatiməni parodiya edəcəyik.” “MİLLİonçu” adlanan konsertdə sosial problemləri əks etdirən səhnəciklər göstərəcəklərini deyən  aktyorlar bu problemlərin azalmasında özlərinin də rolu olduqlarını düşünürlər. Parodiya ediləcək şəxslərin azaldığını açıqlayan aktyorlar efirdə məşhurların hədsiz sərbəstliyindən, etik qaydalara əməl etməmələrindən şikayətləniblər. Hər ilin mart ayında qadınlara konsert həsr edən “Bu şəhərdə”çilər, bu dəfə onlardan gileylənib. Rafael qadınların toya hazırlıq prosesinin kişilər üçün ciddi problem olduğunu söyləyib. Qeyd edək ki, aktyorlar oktyabrın 3-də Naxçıvanda konsert proqram ilə çıxış edəcəklər. Oktyabrın 8-dən başlayaraq isə 5 gün ard-arda Heydər Əliyev Sarayında sevənlərinin qarşısına çıxacaqlar.

 

Rəvan Nasiroğlu

Elfaq Lələyev

 

Muz-Tv.az