Cavan Zeynallı: “Cavanlığımı həyat yoldaşıma borcluyam”

Hər kəsin pianoçu olaraq tanıdığı Cavan Zeynallı sən demə illər öncə skripkada da ifa edirmiş.

    Hər kəsin pianoçu olaraq tanıdığı Cavan Zeynallı sən demə illər öncə skripkada da ifa edirmiş. İfaçı skripkada bir o qədər də peşəkar olmadığı üçün müəllimi tərəfindən döyüldüyünü söyləyib.Tanınmış cazmen Azərbaycanda cazz sənətinin tədricən zəiflədiyini söyləyərək, gənclərin toyda pul qazanmaq üçün mahnı ifa etdiyini açıqlayıb. Zeynallı Cazz musiqisinin yalnız Azərbaycanda yox, Amerika və digər dünya ölkələrində də zəiflədiyini düşünür. Peşəkar ifaçı gənclərin musiqi savadının azlığından gileylənərək, onları məşhur bəstəkarların adlarını bilməməkdə günahlandırıb.

Cavan Zeynallı öz fəxri adından razı olduğunu və heç bir xalq artistini qısqanmadığını deyib. İfaçı tənqid etməyi sevmədiyini açıqlayıb. Cazzmen Vyetnamdan gətirdiyi üzüyün tarixini Muz TV-yə söyləyib.Səhhəti ilə bağlı problem yaşamadığını və özünü çox gümrah hiss etdiyini söyləyən musiqiçi, buna görə həyat yoldaşı Röya xanıma borclu olduğunu vurğulayıb.

 

Rəvan Nasiroğlu

Elfaq Lələyev

 

Muz-tv.az