Nadir ağladı: “Anam, atam gözümün qabağına gəldi”

Nadir Qafarzadə yeni çəkilmiş klipinə baxıb özü kövrəlib. Rejissor Nail Naiboğlunun ekranlaşdırdığı “Gün keçdi” adlı klipini müğənni 1 saylı Psixonevroloji Sosial Xidmət Müəssisəsində təqdim edib.

   Nadir Qafarzadə yeni çəkilmiş klipinə baxıb özü kövrəlib. Rejissor Nail Naiboğlunun ekranlaşdırdığı “Gün keçdi” adlı klipini müğənni 1 saylı Psixonevroloji Sosial Xidmət Müəssisəsində təqdim edib. Mahnının sözləri Rəfiq Zəki Xəndana, musiqisi isə Fərid Bayramlıya məxsusdur. Ekran əsərini izləyən Qafarzadə hisslərinə hakim ola bilməyib göz yaşı töküb: “ Çox kövrəldim, körpə uşaq kimi hiss etdim özümü. Anam, atam gözümün qabağına gəldi. Səsim titrəyir, heç danışa bilmirəm. Bu klip lap mənim ürəyimi parçaladı. Arzu edirəm ki, Azərbaycanda uşaq evləri, qadın koloniyaları və atılmışlar evi olmasın”. Yeni klipini təqdim etdikdən sonra Nadir, rəqqasə Fatimə Fətəliyeva ilə birlikdə yaşlı və fiziki məhdudiyyəti olan insanlara konsert verib. Qayğıya ehtiyacı olan şəxsləri sevindirən sənətçilərimiz bir neçə saatlıq da olsa onların könlünü xoş edə bilib.

 

Sevda Məmmədova

Elfaq Lələyev

 

Muz-Tv.az