Almaz Ələsgərlinin 49 yaşı tamam olur

Bu gün əməkdar artist Almaz Ələsgərlinin ad günüdür. 

   Bu gün əməkdar artist Almaz Ələsgərlinin ad günüdür.  Axşam.az-ın məlumatına görə, qızı Mədinə müğənnini sosial şəbəkədə təbrik edərək, təəssüratlarını bölüşüb: “Anam, mənim birdənəm, 100 yaşa. Sən hər şeyin yaxşısına layiq bir anasan. Səni çox sevirəm”. A.Ələsgərli ona təbrik edənlərə təşəkkürünü bildirib. Qeyd edək ki, müğənninin 49 yaşı tamam olur. Əməkdar artistin Əminə və Mədinə adlı iki qızı var.

   Əməkdar artist Mətanət İsgəndərli “Səndən qalan anı bu” adlı yeni mahnısını təqdim edib. Bəstənin sözləri türkiyəli ifaçı Fatih Erkoça, musiqisi N.Nikosa məxsusudur. 

   Müğənni Zamiq Hüseynovla həmkarı Niyam Salami arasında qalmaqal baş verib. Məclislərin birində üz-üzə gələn ifaçılar bir-biri ilə salamlaşmayıb.  N.Salami Z.Hüseynovun ona salam verməməsinə əsəbiləşib. O,açıqlamasında qarşı tərəfi bu addımına görə qınayıb: “Zamiq məclislərin birində mənim küsülü olduğum xanımın yanında əyləşmişdi. Mən keçəndə üzümə baxdı. Amma özünü elə apardı ki, guya görmür. Heç salam da vermədi. Kimsə kimsəylə danışmırsa, buna üçüncü bir kişi qarışmamalıdır. Sabah mən onunla barışacam, ortada qalacaqsan. Mənim də ədəb-ərkanım var. “Salam” Allahın adıdır. Niyə salam vermirsən ki?”.

    Müğənni Emma Ələkbərzadə qayınanası ilə münasibətindən danışıb: İfaçı açıqlamasında bunları bildirib: “Mənim kimi gəlin yoxdur. Qayınatam dünyasını dəyişib. Qayınanam Olqa xanım isə gözəl qadındır. Ondan ayrı qalırıq. Ayda üç-dörd dəfə gedib-gəlirik. Amma telefonla tez-tez danışırıq. Hərdən həyat yoldaşım Emil deyir ki, ver mən də anamla danışım”.

 

Əhəd Miriyev

 

MuzTv.az