Röya Ayxan: “Sizi boğacam”

Müğənni Röya Ayxan uşaqlıq fotolarını gizlətmə səbəbini açıqlayıb. 

    Müğənni Röya Ayxan uşaqlıq fotolarını gizlətmə səbəbini açıqlayıb. Axşam.az-ın məlumatına görə, ifaçı eyni zamanda dostlarına xəbərdarlıq edib: “Deməli belə, mən dostlarıma xəbərdarlıq edirəm ki, birdə qızlarınızın saçına toxunsanız sizi boğacam. Mən də anama eyni sualı verirəm: “Ay ana, niyə fotolarda məni oğlana oxşatmısan?”. Deyir ki, “Onda dəb idi. Hamı uşağın başın qırxırdı ki, saçı gurlaşsın”. Mən elə ona görə də uşaqlıq fotolarımı gizlədirəm. Mən qızları heç vaxt keçəl etməzdim”.

   Müğənni Xatirə İslam həmkarı Fuad Dadaşovla birlikdə səsləndirdiyi “Giderim” mahnısına klip çəkdirib. Ekran işinin rejissoru Müşviq Əliz Zahiddir. Qeyd edək ki, “Giderim” mahnısını musiqisi mərhum türkiyəli ifaçı Ahmed Kayaya məxsusdur. Mahni ilk dəfə onun ifasında məşhurlaşıb.

   Müğənni İzzət Bağırzadə “Yaradanım” adlı mahnısına klip çəkdirir. Sözləri Elşən Xəzərə, musiqisi Hacı Nazimə məxsus olan mahnının ekran həllinin ssenarisi ifaçının özünə aiddir. Klipdə Hacı Nazim də rol alacaq. İ.Bağırzadə qeyri-adi bir ekran işi ərsəyə gətirəcəyini iddia edib:“Klip çəkilişimiz artıq başladı. İnşallah uğurlu olacaq. Klip bir neçə məkanda çəkiləcək. Şamaxı rayonunda çəkilişlərimiz olacaq. Süjet xətti özümə aiddir. İlk çəkilişlər İçərişəhərdə cümə məscidində aparıldı. Bu klipi Allaha xatir çəkirik. Onu bütün mömin bacı və qardaşlarımıza hədiyyə edirəm. Ekran işində əziyyəti keçən bütün yaradıcı heyətə təşəkkürlər. Tam fərqli bir mövzu, fərqli bir İzzət görəcəksiniz”.

   Müğənni Ayan Babakişiyeva Gəncəyə yollanıb. Ifaçı açıqlamasında yollandığı ziyarətgahdan bəhs edib:“Hər dəfə Gəncəyə gələndə İmamzadə türbəsini ziyarət edirəm. Burada nə diləmişəmsə, Allah onu mənə verib. Bura çox inanıram. Gəncədə olmağı sevirəm. burada qohumlarım yaşayır. Hərdən onları görməyə gəlir, dadlı mətbəxlərini dadıram”.

 

Əhəd Miriyev

 

MuzTv.az