Kalmıklar Gənc Tamaşaçılar Teatrının qonağı oldu

Kalmıkiya Dövlət Milli Dram Teatrının əməkdaşları Gənc Tamaşaçılar Teatrının qonağı olub.

   Kalmıkiya Dövlət Milli Dram Teatrının əməkdaşları Gənc Tamaşaçılar Teatrının qonağı olub. Gənc Tamaşaçılar Teatrının direktoru Mübariz Həmidov Kalmıkiya teatrı ilə üç ildir qarşılıqlı qastrol tamaşaların reallaşdığını açıqlayıb. Həmidov kalmıkların Gənc Tamaşaçılar Teatrına gətirdiyi iki tamaşa haqda məlumat verib. Kalmıkiya Milli Dram Teatrının bədii rəhbəri və Azərbaycan Respublikası fəxri mədəniyyət işçisi Boris Mancıyev iki teatrın əməkdaşlığından söz açaraq, xalqların mədəni dostluğundan danışıb. Kalmıkiya Milli Dram Teatrının baş direktoru, RF-in əməkdar mədəniyyət işçisi və Azərbaycan Respublikası fəxri mədəniyyət işçisi Qalina Şurayeva iki teatr arasında 5 illik müqavilənin imzalandığını və və növbəti günlərdə Gənc Tamaşaçılar Teatr heyyətinin də Kalmikiyaya qonaq gedəcəyini açıqlayıb. Teatrın tanınmış simaları da əlamətdar günün özəlliyindən danışıblar. Sonda isə aktyor və tamaşaçılar milli rəqsimiz olan “Yallı”nın müşayiəti ilə teatra daxil olublar.

 

Rəvan Nasiroğlu

Elfaq Lələyev

 

Muz-Tv.az