Nuriyyə Əhmədovanın ölümdən öncəki vəsiyyəti

Azərbaycanın xalq artisti, prezident təqaüdçüsü Nuriyyə Əhmədova bu gün səhər saatlarında ürək çatışmazlığından dünyasını dəyişib. 

   Azərbaycanın xalq artisti, prezident təqaüdçüsü Nuriyyə Əhmədova bu gün səhər saatlarında ürək çatışmazlığından dünyasını dəyişib. Daima hər kəsin üzünü güldürməyi bacaran sənətkar bu dəfə sevənlərinin gözünü yaşlı qoyub. Son ana qədər hər kəsin pis günündə yanında olmağa çalışan Nuriyə Əhmədova hətta ölümdən öncə aktrisa Kubra Əliyevanın oğlunun yasına getməyi düşünürmüş. Bu haqda xalq artistinin bacısı danışıb. Problemlərindən danışmağı sevməyən mərhum aktrisanın ürəyi bu çətinliklərə tab gətirməyib. İllərlə kirayə evlərdə yaşayan xalq artisti daim qızının əmanəti Faiqin gələcəyi haqda düşünüb. Sevilən aktrisa son nəfəsində anasını çağırıb, ondan kömək istəyib. 3 dəfə anasını imdadına çağıran Əhmədova bununla da gözlərini əbədi yumub. Xalq artistinin bacısı oğlu, aktyor Elşad Yusubov onun son vəsiyyətindən danışıb.

Hər zaman sadiq rəfiqə olan Nuriyyə Əhmədova ilə vidalaşmaq üçün onun yaxın dostları əməkdar artistlər Nahidə Orucova və Aybəniz Haşımova da gəlib.

 

Rəvan Nasiroğlu

Elfaq Lələyev

 

Muz-Tv.az