Alim Qasımovun qızından möhtəşəm konsert

Əməkdar artist Fərqanə Qasımovanın Beynəlxalq Muğam Mərkəzində solo konserti reallaşıb. 

    Əməkdar artist Fərqanə Qasımovanın Beynəlxalq Muğam Mərkəzində solo konserti reallaşıb. Möhtəşəm gecəni izləməyə gələnlər arasında tanınmış sənət nümayəndələri də yer alıb. Xalq artistləri İlhamə Quliyeva və Mələkxanım Əyyubova səbəbkar haqqında xoş sözlər deyiblər. Konsertdən əsl musiqi zövqü alacağını söyləyən İlhamə xanım, daha bir məqama toxunub: “ Ötən gün kanalların birində Alim bəyin nəvəsinə baxırdım. Sevil xanım Əliyevanın “Ana” mahnısını oxudu. Mən evdə televizor qarşısında hönkür çəkib ağladım. Dedim, gör “Ana”-nı necə oxuyur”.

Daha sonra gecə səbəbkarın atası, xalq artisti Alim Qasımovun təqdimatı ilə açıq elan edilib. Qızına dəstək olan Alim bəy ilk olaraq öz ifası ilə tədbirə start verib. Ardınca Fərqanə Qasımova onu deyib gələn hər kəsi salamlayıb, ifasına başlayıb. Beynəlxalq Muğam Mərkəzində ilin hesabatını  verən xanəndə möhtəşəm ifası ilə hər kəsi feyziyab edib.

 

Sevda Məmmədova

Çingiz Abdullayev

 

Muz-Tv.az